ଦେବସ୍ନାନ ପୂର୍ଣ୍ଣିମା ଅବସରରେ ରୂପଦେଇପୁର ପ୍ରଭୁ ଜଗନ୍ନାଥଙ୍କ ଗଜବେଶ ଦେଖିବା ପାଇଁ ଶ୍ରଦ୍ଧାଳୁ ମାନଙ୍କ ଭିଡ

ପିପିଲି--- ପୁରୀ ଜିଲ୍ଲା ପିପିଲି ବ୍ଳକ ଅନ୍ତର୍ଗତ ରୂପଦେଇପୁର ଗ୍ରାମରେ ଥିବା ଶ୍ରୀଜଗନ୍ନାଥ ମନ୍ଦିରରେ ଦେବସ୍ନାନ ପୂର୍ଣ୍ଣିମା ମହାସମାରୋହରେ ପାଳିତ ହୋଇଯାଇଛି । ଚତୁର୍ଦ୍ଧା ମୂର୍ତ୍ତି ଗଜ ବେଶରେ ଭକ୍ତ ମାନଙ୍କୁ ଆଜି ଦର୍ଶନ ଦେଇଛନ୍ତି । ଏଥିପାଇଁ ହଜାର ହଜାର ମକ୍ତ ମାନଙ୍କର ଗହଳି ଲାଗି ରହିଥିଲା । ଠାକୁରଙ୍କ ପ୍ରତିଦିନ ନୀତିକାନ୍ତି ସରିବା ପରେ ମନ୍ଦିର ସେବାୟତ ମାନେ ଗୋଟି ପହଣ୍ଡି କରି ସ୍ନାନ ମଣ୍ଡପକୁ ବିଜେ କରାଇଥିଲେ । ପୁଣ୍ୟତୋୟା ଭାର୍ଗବୀ ନଦୀ ଓ ମନ୍ଦିର ପରିସରରେ ଥିବା କୂପରୁ ୫୪ଗୋଟି କଳସରରେ ଜଳ ସଂଗ୍ରହ କରାଯାଇଥିଲା । ଠାକୁରଙ୍କୁ ବିଭିନ୍ନ ଚେରମୂଳିରେ ପ୍ରସ୍ତୁତି ଲୋପ ପ୍ରଦାନ କରାଯାଇଥିଲା । ଅଭିମନ୍ତ୍ରିତ ଜଳରେ  ପ୍ରଥମେ ଶ୍ରୀ ବଳଭଦ୍ରଙ୍କୁ ୧୬, ମା ସୁଭଦ୍ରାଙ୍କୁ ୧୪ ଟି କଳସ ଓ ଶ୍ରୀ ଜଗନ୍ନାଥଙ୍କୁ ୧୮ଟିକଳସ ଓ ସୁଦର୍ଶନଙ୍କୁ ୬ଟି କଳସ ଜଳରେ ସେବାୟତ ମାନେ ସ୍ନାନ ମଣ୍ଡପରେ ସ୍ନାନ କରାଇଥିଲେ । ପରେ ପରେ ଠାକୁରଙ୍କୁନୂତନ ବସ୍ତ୍ର ପରିଧାନ କରାଯିବା ପରେ ତୁଳସୀ, ଚନ୍ଦନ ଆଦି ଲାଗି କରାଯିବା ପରେ ଟାହିଆ ଲାଗି ହୋଇଥିଲେ ।ଅପରାହ୍ନରେ ଚତୁାର୍ଦ୍ଧାମୂତ୍ତିଙ୍କୁ ସେବାୟତ ମାନେ ପରମ୍ପରା ଅନୁଯାୟୀ ଗତ ବେଶ ରେ ଭକ୍ତ ମାନେ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶନ କରିଥିଲେ । ବିଳମ୍ପିତ ରାତିରେ ପରମ୍ପରା ଅନୁଯାୟୀ ଠାକୁରଙ୍କୁ ଅଧରପଣା ଲାଗି କରାଯାଇଥିଲା ।  ଆସନ୍ତା ରବିବାର ଓ ସୋମବାର ଦିନ ପ୍ରସିଦ୍ଧ ନାଗା ଯାତ୍ରା ଅନୁଷ୍ଠିତ ହେବ ବୋଲି ରୁପଦେଇପୁର ଶ୍ରୀ ମନ୍ଦିରର ମୁଖପାତ୍ର ଆଇନଜୀବୀ ଶ୍ରୀ ସତ୍ୟପ୍ରକାଶ ମିଶ୍ରଙ୍କ ଠାରୁ ସୂଚନା ମିଳିଛି । ଅନ୍ୟ ପକ୍ଷେ ବଲ୍ଲଭ ଜାଗା ଓ ଦି ସାଇଲେଣ୍ଟ ବୟଜ ଅନୁଷ୍ଠାନ ପକ୍ଷରୁ ୧୨ ଫୁଟ ଉତ୍ତତାର ନାଗା ମୁଖ୍ୟ ଆକର୍ଷଣ ରହିବ ବୋଲି ଶ୍ରୀ ମିଶ୍ର କହିଛନ୍ତି । ଧୀରେନ୍ଦ୍ର ସେନାପତି, ୨୨/୬/୨୦୨୪----୮.୫୫    Sakhigopal News, 22/6/2024