ଠିକାଦାର ଓ କନିଷ୍ଠ ଯନ୍ତ୍ରୀଙ୍କ ମଧୁ ଚନ୍ଦ୍ରିକାରେ ଚାଲିଛି ଡ୍ରେନ କାମ , କାମ ଶେଷ ହେବାର ନାଁ ଗନ୍ଧ ଧରୁନାହିଁ

ଜଟଣୀ --ପୌରାଞ୍ଚଳ ଅଧୀନ ୮ ନଂ ୱାର୍ଡ ଅନ୍ତର୍ଗତ ତଥା ସରକାରୀ ବାଳିକା ଉଚ୍ଚ ବିଦ୍ୟାଳୟ ଠାରୁ ଆରମ୍ଭ କରି ବିଡ଼ିଓ କଲୋନୀ, ମହାବୀର କଲୋନୀ, ମଧୁସୂଦନ ନଗର ଏବଂ ରେତଙ୍ଗ କଲୋନୀକୁ ସଂଯୋଗ କରୁଥିବା ମୁଖ୍ୟ ରାସ୍ତା ପାର୍ଶ୍ୱ ଡ୍ରେନ ର କାମ ଦୀର୍ଘ ୭ ମାସ ହେବ କାମ ଚାଲିଛି । ସରିବାର ନାଁ ଗନ୍ଧ ଧରୁନାହିଁ। ଯାହା ଫଳରେ ସ୍ଥାନୀୟ ବାସିନ୍ଦା ଏବଂ ପଥଚାରୀଙ୍କ ମନରେ ଅସନ୍ତୋଷ ପ୍ରକାଶ ପାଇଲାଣି l ଦୀର୍ଘ ଦିନଧରି ଡ୍ରେନ କାମ ସରୁନଥିବାରୁ ସ୍ଥାନୀୟ ବାସିନ୍ଦାଙ୍କ ବ୍ୟବହାରିକ ନର୍ଦ୍ଦମା ପଚା ପାଣି ଯାମ ହୋଇ ରାସ୍ତାରେ ଅନବରତ ପ୍ରବାହିତ ହୋଇ  ରାସ୍ତାଟି ଖାଲଢିପ ରେ ପରିଣତ ହୋଇ ରାସ୍ତାଟି ନଷ୍ଟ ହେଲାଣି l ସେଠାରେ ଦୁର୍ଗନ୍ଧ ମୟ ବାତାବରଣ ସୃଷ୍ଟି ହେଲାଣି l ସେହି ରାସ୍ତାଦେଇ ପ୍ରତ୍ୟକ ଦିନ ଶହ ଶହ ଲୋକଙ୍କ ଠାରୁ ଆରମ୍ଭ କରି ଛାତ୍ରଛାତ୍ରୀ ଏବଂ ଶିଶୁ ମାନେ ଯିବା ଆସିବା ସମୟରେ ଛୋଟବଡ ଦୁର୍ଘଟଣାର ସମ୍ମୁଖୀନ ହେଉଛନ୍ତି l ଏହି ଘଟଣାକୁ ସ୍ଥାନୀୟ କାଉନସିଲର ଙ୍କୁ ଅବଗତ କଲେ ମଧ୍ୟ କୌଣସି ସୁଫଳ ମିଳୁ ନାହିଁ  l ସ୍ଥାନୀୟi କାଉନସିଲର, ପୌରପରିଷଦର କନିଷ୍ଠ ଯନ୍ତ୍ରୀ ଏବଂ ପ୍ରଶାସନିକ ଅଧିକାରୀ ମାନେ ପୂର୍ବତନ ଆଞ୍ଚଳିକ ଦଳର ଛତ୍ରଛାୟା ତଳେ ରହି ଜନସାଧାରଣଙ୍କ କୌଣସି ଅଭିଯୋଗକୁ ବୃକ୍ଷେପ କରନ୍ତି ନାହିଁ ବୋଲି ସ୍ଥାନୀୟ ବାସିନ୍ଦା କହନ୍ତି l ରାସ୍ତାର ଦୁଇ ପାର୍ଶ୍ୱରେ କିଛି ଖଳ ପ୍ରକୃତିର ଲୋକ ରାସ୍ତାକୁ ମାଡି ବସି ରାସ୍ତା ପାର୍ଶ୍ୱରେ ଦୋକାନ ଗୃହକରି ଡ୍ରେନକୁ ଅବରୋଧ କରି ରଖିଥିବା ବେଳେ ପୌରପ୍ରଶାସନ ସେଗୁଡିକୁ ଉଛେଦ କରି  ସଠିକ ଭାବେ ଡ୍ରେନ  ନିର୍ମାଣ କରିବାକୁ ସାହସ ପାଉନାହିଁ l ଯାହା ଫଳରେ ସାଧାରଣ ଜନତା ଅସୁବିଧାର ସମ୍ମୁଖୀନ ହେଉଛନ୍ତି l  ସ୍ଥାନୀୟ ପ୍ରଶାସନିକ ଅଧିକାରୀ ସଠିକ  ତଦନ୍ତ କରି ଜନସାଧାରଣଙ୍କ ହିତ ଦୃଷ୍ଟିରୁ ଶୀଘ୍ର ଡ୍ରେନ କାମ ସମ୍ପୂର୍ଣ କରିବାକୁ ଦାବି କରିଛନ୍ତି l

ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୦/୬/୨୦୨୪--୯,୪୦ Sakhigopal News,10/6/2024