ଶୁକଳ ଛକରେ ଜଳଛତ୍ର ଖୋଲିବା ପାଇଁ ଜନସାଧାରଣଙ୍କ ପକ୍ଷରୁ ଦାବି

 

ସାକ୍ଷୀଗୋପାଳ,-----  ଅସହ୍ୟ ଗରମ ସାଙ୍ଗକୁ ଖରା ତାତି ବଡିବାରେ ଲାଗିଛି । ଏହାକୁ ନଜର କରି ବ୍ଳକ ପ୍ରଶାସନ ପକ୍ଷରୁ ବିଭିନ୍ନ ପଞ୍ଚାୟତରେ ଜଳ ଛତ୍ର ଖୋଲିବା ପାଇଁ ନିର୍ଦ୍ଦେଶ ଦିଆସରିଛି । ମାତ୍ର ଏହି ନିର୍ଦ୍ଦେଶକୁ କେତେକ ସରପଞ୍ଚ ମାନେ ବେଖାତିରିକରିବା ସହ ସେମାନଙ୍କ ମନ ଅନୁସାରେ ନାମକୁ ମାତ୍ର ଦୁଇ ତିନୋଟି ସ୍ଥାନେରେ ଜଳଛତ୍ର ଖୋଲି ଦେଇ ବସିପଡିଛନ୍ତି ।  ମାତ୍ର ଯେଉଁ ସ୍ଥାନାରେ ନିହାତି ଜଳଛତ୍ର ଖୋଲିବା ଦରକାର ସେଠାରେ ଜଳଛତ୍ର ନ ଖୋଲି ଅନ୍ୟ ସ୍ଥାନରେ ଜଳ ଛତ୍ର ଖୋଲାଯାଉଛି । ଏପରିକି ଜନସାଧାରଣ ବାରମ୍ବାର ଦାବି କରି ଆସୁଥିଲେ ମଧ୍ୟ ଜଳଛତ୍ର ଖୋଲାଯାଉନାହିଁ ବୋଲି ଅଭିଯୋଗ ହେଉଛି । ସୁଚନାଯୋଗ୍ୟ ଯେ ନିୟୁଜଗନ୍ନାଥ ରୋଡରେ ଶୁକଳ ଛକରେ ଲୋକଙ୍କ ସମାଗମ ହୋଇଥାଏ । ମାତ୍ର ଏଠାରେ ପାଣି ଟିକେ ପିଇବା ପାଇଁ ବାଟୋଇ ବା ଜନସାଧାରଣ ପାଖରେ ଥିବା ଦେକାନରୁ ପାଣି କିଣିକି ପିଇବାକୁ ପଡୁଛି । ଲୋକମାନେ ଅନେକ ଥର ବିଡିଓଙ୍କ ପାଖରେ ଅଭିଯୋଗ କରିଥିଲେ ମଧ୍ୟ ତାହା କାର୍ଯ୍ୟକାରୀ କରାଯାଉନାହିଁ । ଏହି ଜଳଛତ୍ରକୁ ନେଇ ହୀନ ରାଜନୀତି କରାଯାଉଛି ବୋଲି ସ୍ଥାନୀୟ ଲୋକମାନେ କହନ୍ତି । ତୁରନ୍ତ ଶୁକଳ ଛକରେ ଏକ ଜଳଛତ୍ର ଖୋଲିବା ପାଇଁ ପୁରୀ ଜିଲ୍ଲାପାଳ ନଜର ଦେବାକୁ ଜନସାଧାରଣରେ ଦାବି ହେଉଛି । ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୧୨/୫/୨୦୨୪----୧,୨୫   Sakhigopal News,12/5/2024