ବିଜେଡି ପ୍ରାର୍ଥୀ ସଞ୍ଜୟ ଦାସବର୍ମାଙ୍କ ଶେଷ ନିର୍ବାଚନ ପ୍ରଚାର ; ଘରକୁ ଘର ବୁଲି ପ୍ରଚାର ସାଙ୍ଗକୁ ମଟର ସାଇକେଲ ଶୋଭାଯାତ୍ରା

 ସାକ୍ଷୀଗୋପାଳ ----  ନିର୍ବାଚନ ପ୍ରଚାର ଶେଷ ହେବାକୁ ଆଉ ଅଳ୍ପ ସମୟ ବାକି ରହିଛି ।  ସତ୍ୟବାଦୀ ନିର୍ବାଚନ ମଣ୍ଡଳୀର ବିଜେଡି ପ୍ରାର୍ଥୀ ଶ୍ରୀ  ସଞ୍ଜୟ ଦାସବର୍ମା ପୂର୍ବ ସତ୍ୟବାଦୀର ବିଭିନ୍‌ନ ଗ୍ରାମ ପଞ୍ଚାୟତରେ ମଟର ସାଇକେଲ ଶୋଭାଯାତ୍ରା କରିବା ସହ ଦୁଆର ଦୁଆର ବୁଲି ଭୋଟ ପ୍ରଚାର କରିଛନ୍ତି ।  ନିର୍ବାଚନ ପ୍ରଚାର ଶେଷ ହେଉଥିବାରୁ ବିଜେଡି ଦଳ ପକ୍ଷରୁ ପ୍ରଚାରକୁ ଯୋରସୋର କରିଛି ।  ଅନୁଷ୍ଠିତ ନିର୍ବାଚନ ପ୍ରଚାରରେ ସତ୍ୟବାଦୀ ବ୍ଳକ ଅଧ୍ୟକ୍ଷ ସୁନୀଲ କୁମାର ପଣ୍ଡା, କାଦୁଆ ଗ୍ରାମ ପଞ୍ଚାୟତର ସରପଞ୍ଚ ଗାୟତ୍ରୀ ମହାପାତ୍ର, କାଦୁଆ ଗ୍ରାମ ପଞ୍ଚାୟତର ବିଜେଡି ସଭାପତି ବାଉରୀବନ୍ଦୁ ମହାପାତ୍ର, ଜିଲ୍ଲା ମହିଳା ବିଜେଡି ଉପସଭାପତି କନକଲତା ପଣ୍ଡାଙ୍କ ସହିତ ଶତାଧିକ ପୁରୁଷ ଓ ମହିଳା, ଯୁବକ ମାନେ ରୋଡ ଶୋ କରିବା ସହିତ ଦୁଆର ଦୁଆରକୁ ବୁଲି ଭୋଟ ପ୍ରଚାର କରିଥିବାର ଦେଖାଯାଇଛି । ଶ୍ରୀ ଦାସବର୍ମା ପ୍ରଥମେ ବରାଳ ଗ୍ରାମ ସ୍ଥିତ ବାଲୁଙ୍କେଶ୍ୱର ଦେବଙ୍କୁ ପୂଜାର୍ଚ୍ଚନା କରିବା ପରେ ଏକ ମଟର ସାଇକେଲ ଶୋଭାଯାତ୍ରା କରି ବରାଳ, ହରିଶଙ୍କରପୁର, ମୁନିଦା, ବାରମାଣସାହି, ଚଣାଗୋରଡା, ଚଉଦମାଣସାହି, କଦମ୍ବପଡା, ଭଟ୍ଟପୁର, ରାଉତସାହି, ବିଲସାହି, କାଦୁଆ, ତଳପାଟଣା ଗ୍ରାମରେ ରୋଡଶୋ କରିବା ସମୟରେ ବିଭିନ୍ନ ଗ୍ରାମ ମୁଣ୍ଡରେ ସହିତ ଘର ଦୁଆର ଆଗରେ ମହିଳା ମାନେ ଫୁଲମାଳ ଦେଇ ସ୍ୱାଗତ କରିଥିବାର ଦେଖାଯାଇଥିଲା । ସେହିପରି ବୀରରାମଚନ୍ଦ୍ରପୁର ଓ ନୂଆସୋମେଶ୍ୱରପୁର ପଞ୍ଚାୟତରେ ଶ୍ରୀ ଦାସବର୍ମା ନିଜର ସମର୍ଥକ ଓ କର୍ମୀ ମାନଙ୍କୁ ନେଇ ରୋଡ ଶୋ କରିବା ସହ ଘରକୁ ଘର ବୁଲି ଭୋଟ ପ୍ରଚାର କରିଥିବାର ଦେଖାଯାଇଥିଲା । ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୨/୫/୨୦୨୪---୯,୫୦    Sakhigopal News, 22/5/2024