ପୁରୀ ସଂସଦୀୟ କ୍ଷେତ୍ର ବିଜେପି ସଂଯୋଜକ ରାଜସ୍ଥାନ ମନ୍ତ୍ରୀଙ୍କ ସତ୍ଯବାଦୀ ନିର୍ବାଚନ ମଣ୍ଡଳୀ ଗସ୍ତ

 ସାକ୍ଷୀଗୋପାଳ ----ପୁରୀ ସଂସଦୀୟ କ୍ଷେତ୍ର ପାଇଁ ବିଜେପି ପକ୍ଷରୁ ନିଯୁକ୍ତି ପାଇଥିବା ରାଜସ୍ଥାନର ଶିକ୍ଷା ଓ ପଞ୍ଚାୟତ ବିଭାଗ ମନ୍ତ୍ରୀ ମଦନ ଦିଲୱାର ମଙ୍ଗଳବାର ସତ୍ଯବାଦୀ ଗସ୍ତ କରିଥିଲେ। ଏହି ପରିପ୍ରେକ୍ଷୀରେ ଉତ୍କଳମଣି ଗୋପବନ୍ଧୁ ଦାସଙ୍କ ଜନ୍ମପୀଠ ସୁଆଣ୍ଡୋ ପରିଦର୍ଶନ ରେ ଆସି ଷଠିଘରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ  । ଏହାପରେ ଗୋପବନ୍ଧୁ ସ୍ମାରକୀ ସଂଗ୍ରହାଳୟ ପରିଦର୍ଶନ କରି ପୁଣ୍ଯାତ୍ମା ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ଯାର୍ପଣ କରିଥିଲେ  । ସଂଗ୍ରହାଳୟ ପରିଦର୍ଶନ କରି ଗୋପବନ୍ଧୁଙ୍କ ଜୀବନାଦର୍ଶ ସମ୍ବଳିତ ଆଲେଖ୍ୟ ଗୁଡିକୁ ଗାଇଡ ମାନେ ବୁଲାଇ ଦେଖାଇବା ସହ ବୁଝାଇଥିଲେ  । ଓଡ଼ିଶାର ଏହି ମହାପୁରୁଷଙ୍କ କିର୍ତ୍ତୀ ଓ କ୍ରୁତି ବିଷୟରେ  ମନ୍ତ୍ରୀ ଶ୍ରୀ ଦିଲୱାର ଜାଣିବା ପରେ ନିଜକୁ ଗୌରବାନ୍ୱିତ ମନେ କରିଥିଲେ ବୋଲି କହିଥିଲେ  । ତାଙ୍କ ସହିତ ବିଜେପି ସୁଆଣ୍ଡୋ ମଣ୍ଡଳ ପ୍ରଭାରୀ କମଳାକାନ୍ତ ମିଶ୍ର, ସତ୍ଯବାଦୀ ପ୍ରଭାରୀ ଉମାକାନ୍ତ ନାୟକ, ସଂଯୋଜକ ରଞ୍ଜନ ବରାଳ ପୂର୍ବତନ ମଣ୍ଡଳ ସଭାପତି ପ୍ରଶାନ୍ତ କୁମାର ବିଶ୍ୱାଳ ପ୍ରମୁଖ ବିଜେପି କର୍ମୀ ମାନେ ଉପସ୍ଥିତ ରହିଥିଲେ  । ଏଠାରୁ ବଳରାମପୁର ଗଡ ଗ୍ରାମପଞ୍ଚାୟତ ଗସ୍ତ କରି ସ୍ଥାନୀୟ ସୁବାସ ଚନ୍ଦ୍ର ଜେନା ପ୍ରମୁଖଙ୍କ ସହିତ ଦଳୀୟ ଆଲୋଚନା କରି ରାୟ ଖଣ୍ଡି ଗ୍ରାମକୁ ଆସିଥିଲେ  । ୩୩ ନଂ ଜିଲାପରିଷଦ ସଭ୍ଯ ରତିକାନ୍ତ ମିଶ୍ର , ସ୍ଥାନୀୟ ସରପଞ୍ଚ ଓ ବିଜେପି କର୍ମୀମାନେ ମନ୍ତ୍ରୀ ଙ୍କୁ ସ୍ୱାଗତ କରିଥିଲେ  । ସେଠାରେ କର୍ମୀମାନଙ୍କ ସହିତ ଆଲୋଚନା କରି ଫେରିଯାଇ ଥିଲେ  । ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୮/୫/୨୦୨୪----୫,୧୦ Sakhigopal News,8/5/2024