ବରାଳ ପ୍ରଧାନ ସାହିରେ ଅଷ୍ଟପ୍ରହରୀ ଓ ନାମଯଜ୍ଞ ଅନୁଷ୍ଠିତ

 

ସାକ୍ଷୀଗୋପାଳ---- ସତ୍ୟବାଦୀ ବ୍ଳକ ଅନ୍ତର୍ଗତ ବରାଳ ଗ୍ରାମର ପ୍ରଧାନ ସାହିରେ ତିନିଦିନ ଧରି ଚାଲିଥିବା ଅଷ୍ଟପ୍ରହରୀ ଓ ନାମଯଜ୍ଞ ଆଜି ଅପରାହ୍ନରେ ଉଦଯାପିତ ହୋଇଯାଇଛି । ଗ୍ରାମରେ ଥିବା  ଶ୍ରୀ ଚୈତନ୍ୟ ଠାକୁରଙ୍କ ମନ୍ଦିର ପ୍ରାଙ୍ଗଣରେ ଅଷ୍ଟପ୍ରହରୀ ଅନୁଷ୍ଠିତ ହୋଇଥିଲା । ଅନେକ ବର୍ଷ ହେବ ଉକ୍ତ ଗ୍ରାମବାସୀଙ୍କ ସହଯୋଗରେ ଅଷ୍ଟପ୍ରହରୀ ଅନୁଷ୍ଠିତ ହୋଇଆସୁଛି । ଏଥିରେ କର୍ତ୍ତା ଭାବେ ଶଙ୍କର୍ଷଣ ସ୍ୱାଇଁ ଓ ବାନାମ୍ବର ଛାଟୋଇ ରହିଥିବା ବେଳେ ପୂଜକ ପୂର୍ଣ୍ଣଚନ୍ଦ୍ର ଦାସ କାର୍ଯ୍ୟ ତୁଳାଇଥିଲେ । ତିନିଦିନ ଧରି ଗ୍ରାମରେ ଆମିଷ ନିଷେଧ କରାଯିବା ସହ ସମସ୍ତଙ୍କ ଘର ଆଗରେ ପୂର୍ଣ୍ଣକୁମ୍ଭ, ପ୍ରଦୀପ ପ୍ରଜ୍ୱଳନ କରାଯାଇଥିଲା । ଆଖ ପାଖ ଗ୍ରାମର ସଂକୀର୍ତ୍ତନ ଦଳ ନାମସଂକୀର୍ତ୍ତନରେ ଅଂଶଗ୍ରହଣ କରି ପ୍ରଭୁଙ୍କ ନାମ ନେଇଥିଲେ । ସଂଧ୍ୟାରେ ପ୍ରସାଦ ସେବନ କରାଯାଇଥିଲା । 

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତିଙ୍କ ରିର୍ପୋଟ, ୧୧/୫/୨୦୨୪---୭.୨୦  Sakhigopal News, 11/5/2024