ସତ୍ୟବାଦୀ ଓ କଣାସରେ କଂଗ୍ରେସ ପ୍ରତି ଜନସମର୍ଥନ ବୃଦ୍ଧି ପାଉଛି. ଶ୍ରୀ ରଥ ଗାଁକୁ ଗାଁ ବୁଲି ଭୋଟ ପ୍ରଚାରକୁ ଯୋରସୋର କରିଛନ୍ତି
ସାକ୍ଷୀଗୋପାଳ---- ସତ୍ୟବାଦୀ ନିର୍ବାଚନ ମଣ୍ଡଳୀ କଣାସ ଓ ସତ୍ୟବାଦୀ ବ୍ଳକକୁ ନେଇ ଗଠିତ । ଏହି ଦୁଇ ବ୍ଳକରେ ଏବେ କଂଗ୍ରେସ ପ୍ରତି ଜନସମର୍ଥନ ବୃଦ୍ଧି ପାଇବାରେ ଲାଗିଛି । ବିଶେଷ କରି କଂଗ୍ରେସ ଏବେ ନୂତନ ଭାବେ ମନୋଜ ରଥଙ୍କୁ ପ୍ରାର୍ଥୀ କରିଛି । ସେ ଜଣେ ଶିକ୍ଷିତ ଓ ସମାଜସେବୀ ଭାବେ ବେଶ ପରିଚିତ । ସେହିପରି ତାଙ୍କ ବାପା ଡ, ବିଶ୍ୱନାଥ ରଥ ଜଣେ ବିଜେପିର ଆଗ ଧଶଡିର କର୍ମୀ ଭାବେ ନିର୍ବାଚନ ମଣ୍ଡଳୀରେ ବେଶ ଜଣାଶୁଣା । ଶ୍ରୀ ମନୋଜ ରଥ ତାଙ୍କ ବାପାଙ୍କ ନୀତି ଓ ଆଦର୍ଶକୁ ପାଥେୟ କରବା ସହ କଂଗ୍ରେସ ଦଳର ଇସ୍ତାହାରକୁ ପାଥେୟ କରି ନିର୍ବାଚନ ବୈତରଣି ପାର ହେବାକୁ ଆଶା ରଖିଛନ୍ତି । ଅନ୍ୟ ପକ୍ଷେ କଂଗ୍ରେସର ପୂର୍ବତନ ମନ୍ତ୍ରୀ,ପୂର୍ବତନ ପିସିସି ସଭାପତି ଓ ପୂର୍ବତନ ସତ୍ୟବାଦୀର ବିଧାୟକପ୍ରସାଦ ହରିଚନ୍ଦନ ତାଙ୍କ ସହିତ ରହିଛନ୍ତି । ଶ୍ରୀ ରଥ ଏବେ ସତ୍ୟବାଦୀ ଓ କଣାସ ବ୍ଳକରେ ନିଜ ନିଜର ସମର୍ଥକଙ୍କ ସହିତ ଗାଁକୁ ଗାଁ ବୁଲି ଭୋଟ ପ୍ରଚାର କରୁଛନ୍ତି । ଭୋଟ ପ୍ରଚାର ସମୟରେ ଲୋକମାନେ କଂଗ୍ରେସ ପ୍ରତି ମନ ବଳାଇବା ଦେଖାଯାଇଛି । ଯେଉଁମାନେ ପୁରୁଣା କଂଗ୍ରେସ ପରିବାର ଏବେ ସେମାନେ ପୁଣି କଂଗ୍ରେସ ଦଳକୁ ଫେରିବା ସହିତ କଂଗ୍ରେସ ପ୍ରାର୍ଥୀ ମନୋଜ ରଥଙ୍କ ପ୍ରଚାରରେ ଆଗରେ ରହିଥିବାର ଦେଖାଯାଉଛି ।
