ବିଦ୍ଯାଧରପୁର ପଞ୍ଚାୟତ ସଭାଗୃହରେ କବି ସମ୍ମିଳନୀ ଅନୁଷ୍ଠିତ
ସାକ୍ଷୀଗୋପାଳ ---- କଟକ ସ୍ଥିତ କଳ୍ପନା ସାହିତ୍ୟ ସାମାଜିକ ପରିଷଦ ଆନୁକୂଲ୍ୟରେ ଉତ୍କଳମଣି ସ୍ମୁତି ସମାରୋହ ସତ୍ଯବାଦୀ ବ୍ଲକ ଅନ୍ତର୍ଗତ ବିଦ୍ଯାଧରପୁର ପଞ୍ଚାୟତର ସଭାଗୃହରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ କବି କବୟିତ୍ରୀ ସମ୍ମିଳନୀକୁ ଲଳିତା ଦାସ ଉଦଘାଟନ କରିଥିବା ବେଳେ ମୁଖ୍ଯ ଅତିଥି ଭାବେ ଇଂ ସୁଶାନ୍ତ ବଳ ଯୋଗଦେଇ ଥିଲେ । ଶ୍ରୀ ଜଗନ୍ନାଥଙ୍କ ଫଟୋଚିତ୍ରରେ ମାଲ୍ଯାର୍ପଣ କରାଯାଇ କାର୍ଯ୍ୟକ୍ରମ ଆରମ୍ଭ ହୋଇଥିଲା । ୬୦ ଜଣ କବି ଓ କବୟିତ୍ରୀ ଏଥିରେ ଅଂଶଗ୍ରହଣ କରିଥିଲେ । ଅନୁଷ୍ଠାନର ମୁଖ୍ଯ ସମ୍ପାଦକ ମନୋଜ ମଞ୍ଜରୀ ଦେଓ ସଂଯୋଜନା କରିଥିଲେ । ପୁଣ୍ଯାତ୍ମା ଗୋପବନ୍ଧୁଙ୍କ ଜୀବନାଦର୍ଶ ଉପରେ ଆଧାରିତ ଆଲୋଚନା ଚକ୍ରରେ ଆଉଥରେ ତୁମେ ଫେରି ଆସ ଶୀର୍ଷକ ଉପରେ ଅତିଥି ମାନେ ମତବ୍ୟକ୍ତ କରିଥିଲେ । ଅନ୍ଯମାନଙ୍କ ମଧ୍ଯରେ ଅନୁଷ୍ଠାନର ସଂପାଦକ ଗୋପାଳ ଚନ୍ଦ୍ର ଜେନା, ସମାଜସେବୀ କଣ୍ଡୁରୀ ଚରଣ ନାୟକ, ଅବସରପ୍ରାପ୍ତ ଶିକ୍ଷକ ରବୀନ୍ଦ୍ର କୁମାର ଷଡଙ୍ଗୀ, ସତ୍ଯବାଦୀ ଦାଶ, ସତ୍ଯବାଦୀ ହାଇସ୍କୁଲର ଭାରପ୍ରାପ୍ର ପ୍ରଧାନ ଶିକ୍ଷକ ମାନସ ରଞ୍ଜନ ପଟ୍ଟନାୟକ, ପାଲା ଗାୟକ ବିଜୟକୁମାର ପଟ୍ଟନାୟକ, ଶଦ୍ଦ ଭାରତୀ, କବି ଦେବଦତ୍ତ ପ୍ରଧାନ, ସତ୍ଯବାଦୀ କଳାସଂସ୍କୃତି ସଂଘ ଉପାଧକ୍ଷ ରମେଶଚନ୍ଦ୍ର ପଲେଇ ଓ ସ୍ଥାନୀୟ ସରପଞ୍ଚ ଦୁଶାସନ ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ । ଅନୁଷ୍ଠାନ ପକ୍ଷରୁ କବି ଓ କବୟତ୍ରୀ ମାନଙ୍କୁ ଅତିଥିମାନେ ସମ୍ୱର୍ଦ୍ଧିତ କରିବା ସହ ମାନପତ୍ର ପ୍ରଦାନ କରିଥିଲେ ।
ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୨୯/୫/୨୦୨୪---୮,୫୦ Sakhigopal News,29/5/2024
