ସତ୍ୟବାଦୀର ପୁର ପଲ୍ଲୀରେ ଅକ୍ଷୟ ତୃତୀୟା ପର୍ବ ପାଳନ

ସାକ୍ଷୀଗୋପାଳ ----- ଆଜି ହେଉଛି ଚାଷୀ ଘରର ସବୁଠାରୁ  ଶୁଭଦିନ ।  ଆଜି ଦିନଯାକ ଶୁଭ ସମୟ ବୋଲି ଜ୍ୟୋତିଷଶାସ୍ତ୍ର ମାନେ ମତ ପ୍ରକାଶ କରିଥାନ୍ତି । ଆଜି ଦିନରେ ଜଗତରନାଥ ଜଗନ୍ନାଥଙ୍କ ରଥ ନିର୍ମାଣ କାର୍ଯ୍ୟ ଆରମ୍ଭ ହୁଏ । ଏଣୁ ଚାଷୀ ଘର ଆଜି ସେ ନିଜେ ସଂଚୟ କରିଥବା ବିହନ ବିଲରେ ବୁଣିବା ପାଇଁ ବା ଅକ୍ଷିମୁଠୀ ଅନୁକୂଳ କରିଥାଏ । ଏ ବର୍ଷ ତାର ଫସଲ ଯେପରି ଭଲ ହେବ ସେଥିଲାଗି ମାଟି ମାକୁ ପୂଜା ସହିତ ମା ଲକ୍ଷ୍ମୀ ଠାକୁରାଣୀଙ୍କୁ ଆବାହନ କରିଥାଏ ଚାଷୀ ପୁଅ । ସକାଳୁ ଗାଧୁଆ ପାଧୁଆ ସାରିବା ପରେ ଏକ ବେତୁଳିରେ ଧାନ, ଫୁଲ, ଦୀପ, ଧୂପ, ବିଭିନ୍ନ ଭୋଗ , ସହିତ କ୍ଷୀର, ନଡିଆ ସାଙ୍ଗରେ ଚଷାପୁଅ ଶୁଦ୍ଧହୋଇ ମୁଣ୍ଡରେ ଠେକା ଭିଡି ବିଲକୁ ଯାଇଥାଏ । ସେଠାରେ ପରମ୍ପରା ଅନୁଯାୟୀ ସମସ୍ତ ନୀତିକାନ୍ତି କରିବା ପରେ ବିହନ ବିଲରେ ବୁଣି ମାଟି ମାକୁ ମୁଣ୍ଡିଆ ମାରି ଘରକୁ ଫେରିଥାଏ । ଯେପରି ଏବର୍ଷ ନିଜର ଭଲ ଫସଲ ହେବା ସହ ସମସ୍ତଙ୍କର ଭଲ ଫସଲ ହେଉ ସଠିକ ପାଣିପାଗ ରହିବା ପାଇଁ ସୂର୍ଯ୍ୟ ଦେବତାଙ୍କୁ ନିବେଦନ ମଧ୍ୟ କରିଥାଏ ଚାଷୀ ପୁଅ ।  ସେହିପରି ଘର ମାନଙ୍କରେ ଅକ୍ଷୀତୁତୀୟାରେ ତୁଳସି ଚଉରା ମୂଳରେ ଚିତ୍ର କରାଯାଇଥିବା ଘଡି ପଥୁଲିରେ ଖଇ, ନଡିଆ ପାତି, ବିଭିନ୍ନ ଫଳମୂଳ ଭୋଗ କରାଯାଇ ଛୋଟ ଛୋଟ ପିଲାମାନଙ୍କୁ ସେହି ଘଡିପଥୁଲି ଭୋଗ ସହିତ ବଣ୍ଟନ କରାଯାଇଥିବାର ଦେଖାଯାଇଥିଲା ।

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୧୦/୫/୨୦୨୪---୬,୧୫   Sakhigopal News,10/5/2024