ଝିଅକୁ ଅସଦାଚରଣ କରିବାରୁ ଯୁବକଙ୍କୁ ପିଟି ପିଟି ହତ୍ୟା

କନ୍ଧମାଳ---: କନ୍ଧମାଳ ଜିଲ୍ଲା ରାଇକିଆ ଥାନା ମାଣିକେଶ୍ଵର ପଞ୍ଚାୟତ ଶିକବାଡି ଗାଁ ରେ ନୃଶସଂକାଣ୍ଡ ଘଟିଛି। ନାବାଳିକା ଝିଅକୁ ଅସଦାଚରଣ  ଯୋଗୁ ଯୁବକଙ୍କୁ ପିଟି ପିଟି ହତ୍ୟା କରାଯାଇଥିବା ଥାନା ରେ ଅଭିଯୋଗ ହୋଇଛି । ଅସଦାଚରଣ  ଯୋଗୁଁ  ଝିଅର ପିତା ଓ ଦାଦା ଅଭିଯୁକ୍ତଙ୍କୁ ପିଟି ପିଟି ମାରି ଦେଇଥିବା ସୂଚନା ମିଳିଛି l  

ରାଇକିଆ ଥାନା ଅଞ୍ଚଳର ଜଣେ ନାବାଳିକାଙ୍କୁ ଠିକା କାମ ରେ ନିୟୋଜିତ ଜଣେ ଅପରେଟର ଅସଦାଚରଣ କରିଥିବା ନେଇ ନାବାଳିକା ଜଣକ ପରିବାର ଲୋକଙ୍କୁ ଜଣେଇଥିଲେ । ଏହି ଖବର ଜାଣିବା ପରେ ନାବାଳିକାଙ୍କ ବାପା ଏବଂ ଦାଦା ମିଶି ଉକ୍ତ ଯୁବକଙ୍କୁ ପିଟିପିଟି ମାରି ଦେଇଥିଲେ l  ମୃତକ ହେଲେ  ଝାଡଖଣ୍ଡ ସିମଡେଗା ଅଞ୍ଚଳର ନିରୁପଲ ମେହେତ(୪୦)। ସିକବାଡ଼ି ଠାରୁ ନଣ୍ଡାବାଲି ପ୍ରଧାନମନ୍ତ୍ରୀ ରାସ୍ତା କାର୍ଯ୍ୟରେ ଠିକା ସଂସ୍ଥାର ମିକ୍ସଚର ମେସିନ ଅପରେଟର ଭାବେ କାମ କରୁଥିଲେ। ଠିକା ସଂସ୍ଥା ତରଫରୁ ଥାନାରେ ଅଭିଯୋଗ ପରେ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବତ କରିଛି । ହତ୍ୟା ଅଭିଯୋଗରେ ୨ ଆକ୍ରମଣକାରୀଙ୍କୁ ଥାନାରେ ଅଟକ ରଖି ପଚରାଉଚରା ଜାରି ରଖିଛି। କନ୍ଧମାଳ ରୁ ମନୋଜ କୁମାର ପଣ୍ଡାଙ୍କ ରିପୋର୍ଟ,୩୦/୭/୨୦୨୩---୮,୩୫ Sakhigopal News,30/7/2023