ଘାଟିପଲ୍ଲୀ ଡକାୟତି ଘଟଣା , ଅଭିଯୁକ୍ତ ଙ୍କ ଠାରୁ ଜବତ ଟଙ୍କା ଓ ସୁନା କୁ ଫେରି ପାଇଲେ ଅଭିଯୋଗକାରୀ

  

ଭଞ୍ଜନଗର --  ଗତ ୬ ତାରିଖରେ ହୋଇଥିଲା ,ତାରାସିଙ୍ଗି ଥାନା ଅନ୍ତର୍ଗତ ଘାଟପଲ୍ଲୀ ଗାଁ ରେ ଡକାୟତି ଘଟଣା । ଏଥିରେ ସଂପୃକ୍ତ ଜଣେ ଅଭିଯୁକ୍ତ ଗିରଫ ହୋଇ ସାରିଛି । ତା' ସହ , ଲୁଟ୍ ସାମଗ୍ରୀ କୁ ରଖିବାରେ ସହଯୋଗ କରିଥିବା ଜଣେ ମହିଳା ମଧ୍ୟ ଗିରଫ ହୋଇଛନ୍ତି ।   ସେମାନଙ୍କ ଠାରୁ ଉଦ୍ଧାର ହେଇଥିବା  ଟଙ୍କା ଓ ସୁନାକୁ ଲୁଟ୍ ର ଶିକାର ହୋଇଥିବା ବ୍ୟକ୍ତି କୁ ହସ୍ତାନ୍ତର କରିଛି  ତାରସିଂ ଥାନା ପୁଲିସ । ଏନେଇ ଭାରପ୍ରାପ୍ତ ଅଧିକାରୀ  ଭାଗୀରଥି ନାୟକ ଶୁକ୍ରବାର , ତାରସିଂ ଥାନାରେ ସାମ୍ବାଦିକ ସମ୍ମିଳନୀ ରେ ସୁଚନା ଦେଇଛନ୍ତି । ଥାନାଧିକାରୀ ସମେତ  ଏଏସଆଇ ସମୀର ରାଉତ ଓ ଅନ୍ୟ କର୍ମଚାରୀ ଙ୍କ ଉପସ୍ଥିତି ରେ ଉଦ୍ଧାର ହେଇଥିବା ୧ ଲକ୍ଷ ୧୭ ହଜାର ଟଙ୍କା , ୧୫ ଗ୍ରାମ୍ ସୁନା ଓ ୨୫୦ ଗ୍ରାମ ରୁପା ଅଳଙ୍କାର ସବୁ , ଘାଟିପଲ୍ଲୀ ଗାଁ ର ଘର  ମାଲିକ ନବୀନ ନାୟକଙ୍କୁ ପ୍ରଦାନ କରାଯାଇଥିଲା । ଏସପି ଙ୍କ ନିଦ୍ଧେର୍ଶ କ୍ରମେ  ଉପଖଣ୍ଡ ଆରକ୍ଷୀ ଅଧୀକ୍ଷକ ବିଶ୍ବମିତ୍ର ହରପାଲଙ୍କ ନେତୃତ୍ବରେ ତାରସିଂ ଭାରପ୍ରାପ୍ତ ଅଧିକାରୀ ଙ୍କ ସହଯୋଗରେ ଏହି ସଫଳତା ମିଳିଥିଲା । ଓଡ଼ଗାଁ ଥାନା ଅନ୍ତର୍ଗତ ପାଣିବନ୍ଧ ଗ୍ରାମର ଜିତେନ୍ଦ୍ର ଡାକୁଆ ନାମକ  ଅଭିଯୁକ୍ତ ର ଜଣେ ସମ୍ପର୍କୀୟ ମହିଳା ବୋଲି ଜଣାପଡିଛି । ତା'ଠାରୁ  ୨ଟି ସୁନାମୁଦି ,  କାନଫୁଲ ଏବଂ କିଛି ରୂପା ଅଳଙ୍କାର  ଜବତ ହୋଇଛି । ଗିରଫ ମହିଳା ଅଭିଯୁକ୍ତ ହେଲେ  ଘାଟିପଲ୍ଲୀ ନିକଟସ୍ଥ ହରଡାପଲ୍ଲୀ ଗ୍ରାମର ବୋଲି ପୋଲିସ ପକ୍ଷରୁ କୁହାଯାଇଛି  । ଘଟଣା ପ୍ରକାରେ ତାରାସିଂ ଥାନା ଅନ୍ତର୍ଗତ କୁଡୁତାଇ ପଞ୍ଚାୟତ ର ଘାଟପଲ୍ଲୀ ଗାଁ ରେ ଗତ ୬ ତାରିଖ ବିଳମ୍ବିତ  ରାତିରେ ସଶସ୍ତ୍ର ଡକାୟତି ହୋଇଥିଲା । ଏଥିରେ  ୬ ଜଣ ମୁଖା ପିନ୍ଧିଥିବା ଯୁବକ ୩ ଟି ବାଇକ୍ ରେ ଯାଇ ମାରଣାସ୍ତ୍ର ଏବଂ ପିସ୍ତଲ ଧରି  ନବୀନ କୁମାର ନାୟକଙ୍କ ଘରେ ପଶିଥିଲେ । ଘର ଲୋକଙ୍କୁ  ଭୟଭୀତ କରି , ୬ ଲକ୍ଷ ରୁ ଉର୍ଦ୍ଧ୍ବ ଟଙ୍କା ଓ ସୁନା ଅଳଙ୍କାର ଲୁଟି ନେଇ ଚମ୍ପଟ ମାରିଥିଲେ ।  ଛତ୍ରପୁର ରୁ ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ସହାୟତା ରେ ତଦନ୍ତ ହୋଇଥିଲା । ଏନେଇ ପୋଲିସ ପକ୍ଷରୁ ଦୁଇଟି ଟିମ୍ ଗଠନ ହୋଇଛି ।  

ଏଥିରେ ଆହୁରି  ୪ ଅଭିଯୁକ୍ତ ସଂପୃକ୍ତ ଥିବା କୁହାଯାଉଛି ।  ଡକାୟତି ଘଟଣା କୁ ୨୦ ଦିନ ବିତି ଯାଇଥିଲେ ମଧ୍ୟ , ଫେରାର ଲୁଟେରା ଙ୍କୁ ଏଯାଏଁ ଧରିପାରି ନାଁହି ପୋଲିସ ‌। ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୯/୭/୨୦୨୩----୭,୩୫ Sakhigopal News,29/7/2023