ଟ୍ରକରୁ ବ୍ୟାଟେରୀ ଚୋରି କରି ଜଣେ ଗିରଫ ଅନ୍ୟ ମାନେ ଫେରାର

ଜଟଣୀ----: ଟ୍ରକରୁ ବ୍ୟାଟେରୀ ଚୋରି କରୁଥିବା ଅଭିଯୋଗରେ ପୁଲିସ ଜଣଙ୍କୁ ଗିରଫ କରିଥିବା ବେଳେ ଅନ୍ୟ ଅଭିଯୁକ୍ତ ମାନେ ଫେରାର ଅଛନ୍ତି । ଫେରାର ଥିବା ଅଭିଯୁକ୍ତ ମାନଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ପୋଲିସ କହିଛି। ଜଟଣୀ ଥାନା ଅନ୍ତର୍ଗତ ବଡ଼ତୋଟା ଗ୍ରାମର ଶଙ୍କର୍ଷଣ ମହାପାତ୍ର ପ୍ରତିଦିନ ଭଳି ବେଲପଡା ବାଟ ମହାବୀର ମନ୍ଦିର ନିକଟରେ ଗାଡି ଥୋଇଥାନ୍ତି। ଶୁକ୍ରବାର ରାତିରେ ଉକ୍ତ ଟ୍ରକରୁ କେତେକ ଯୁବକ ବ୍ୟାଟେରୀ ଖୋଲୁଥିବା ସମୟରେ ଟ୍ରକର ମାଲିକ ଶଙ୍କର୍ଷଣ ସେଠାରେ ହଠାତ ପହଞ୍ଚି ଯାଇଥିଲେ। ତେବେ ସେଠାରୁ ଯୁବକମାନେ ତାଙ୍କୁ ଦେଖି ଦୌଡ଼ି ପଳାଇବାକୁ ଚେଷ୍ଟା କରିଥିଲେ। ଶଙ୍କର୍ଷଣ ଏବଂ ସ୍ଥାନୀୟ ଲୋକମାନଙ୍କ ଦ୍ବାରା ଏଥିରେ ଜଣକୁ କାବୁ କରି ପୁଲିସକୁ ହସ୍ତାନ୍ତର କରିଥିଲେ। ଏଥିରେ ସମ୍ପୃକ୍ତ ଅନ୍ୟମାନେ ଖସି ପଳାଇବାରେ ସକ୍ଷମ ହୋଇଥିଲେ।ଏନେଇ ପୁଲିସ ଅଭିଯୁକ୍ତକୁ ଗିରଫ କରି ପଚରାଉଚରା ପରେ ଏଥିରେ ସମ୍ପୃକ୍ତ ଅନ୍ୟ ସହଯୋଗୀଙ୍କ ନାମ ପ୍ରକାଶ କରିଥିଲା ବେଳେ ନିଜେ ଏଥିରେ ସମ୍ପୃକ୍ତ ଥିବା ପୁଲିସ ନିକଟରେ ସ୍ୱୀକାର କରିଥିଲା। ଏନେଇ ପୁଲିସ ଜଟଣୀ ଥାନାରେ ୨୬୧/୨୩ରେ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଛି। ଅଭିଯୁକ୍ତ ଜଣକ ହେଉଛି ବଡ଼ତୋଟା ହାଇସ୍କୁଲ ନିକଟରେ ରହୁଥିବା କାଳୁ ଓରଫ ଅର୍ଜୁନ ମହାପାତ୍ର(୨୬) । ପୁଲିସ ତା ନିକଟରୁ ଏକ ବ୍ୟାଟେରୀ ଜବତ କରିଥିବା ଜଟଣୀ ଥାନା ଅଧିକାରୀ ସୌମ୍ୟକାନ୍ତ ବଳିୟାରସିଂହ କହିଛନ୍ତି। ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୫/୭/୨୦୨୩----୯,୪୫ Sakhigopal News,15/7/2023