୫ ଟି ସଚିବଙ୍କ ନୟାଗଡ ଜିଲ୍ଲାଗସ୍ତ ନେଇ ପ୍ରଶାସନ ତତ୍ପରତା ପ୍ରକାଶ ପାଇଛି

 

ନୟାଗଡ଼: ଆସନ୍ତାକାଲି ଗୁରୁବାର ୨୦ ତାରିଖ ଅପରାହ୍ନ ରେ ୫ଟି ସଚିବ ଭି. କେ ପାଣ୍ଡିଆନ୍ ଖଣ୍ଡପଡ଼ା ଗସ୍ତରେ ଆସୁଥିବା ସ୍ଥାନୀୟ ପ୍ରଶାସନ ସୂତ୍ରରୁ ଜଣାପଡ଼ିଛି। ଖଣ୍ଡପଡ଼ା ମଧୁବନ ମିନି ଷ୍ଟାଡିୟମ ପରିସରରେ ଏ ନେଇ ବ୍ୟାପକ ପ୍ରସ୍ତୁତି ପର୍ବ ଚାଲିଥିବା ଜଣାପଡିଛି। ଖଣ୍ଡପଡ଼ା ଏସଡିପିଓ  ପ୍ରଭାତ କୁମାର ମଲ୍ଲିକ ଓ ଥାନା ଅଧିକାରୀ ଜ୍ୟୋତିପ୍ରକାଶ ସ୍ୱାଇଁ ଷ୍ଟାଡିୟମ ପରିସରରେ ଉପସ୍ଥିତ ରହି ସମସ୍ତ କାର୍ଯ୍ୟ ତଦାରଖ କରୁଥିବା ବେଳେ ସୁରକ୍ଷା ବ୍ୟବସ୍ଥା କୁ ଦୃଷ୍ଟି ରେ ରଖି ବ୍ୟାପକ ପୋଲିସ ଫୋର୍ସ ମୃତୟନ କରାଯାଇଛି। ସ୍ଥାନୀୟ ପ୍ରଶାସନ ଓ ପୋଲିସ ପ୍ରଶାସନ ଏ ନେଇ ଚଳଚଞ୍ଚଳ ହୋଇ ଉଠିଛନ୍ତି। ଖଣ୍ଡପଡ଼ା ସହରର ରାସ୍ତାଘାଟ ପରିଷ୍କାର ପରିଚ୍ଛନ୍ନ କରାଯାଇଛି। ମଧୁବନ ଷ୍ଟାଡିମ ପରିସରକୁ ଜନସାଧାରଣ ଙ୍କୁ ନେବା ଆଣିବା ନିମନ୍ତେ ଯାନବାହନ ର ବ୍ୟବସ୍ଥା କରାଯାଇଥିବା ସୂଚନା ମିଳିଛି। ପଠାଣି ସାମନ୍ତ ଜନ୍ମଭୂମି ଖଣ୍ଡପଡ଼ା ନିର୍ବାଚନ ମଣ୍ଡଳୀର ସାମଗ୍ରିକ ବିକାଶ ପାଇଁ ୫ ଟି ସଚିବ କଣ ଘୋଷଣା କରିବେ ତାହା ଜାଣିବା ପାଇଁ ସାଧାରଣରେ ଉତ୍କଣ୍ଠା ପ୍ରକାଶ ପାଇଛି। ତେବେ ସଚିବ ଙ୍କ ଗସ୍ତକୁ ସଫଳ କରିବା ପାଇଁ ପଞ୍ଚାୟତ ରେ ଶାସକ ଦଳ ସମର୍ଥକ, ପଞ୍ଚାୟତ ଲୋକ ପ୍ରତିନିଧି ମାନେ ପୁରା ଦମ୍ଭରେ ଲାଗି ପଡ଼ିଛନ୍ତି। ନୟାଗଡ଼ ରୁ ନିରଞ୍ଜନ ଦାସଙ୍କ ରିପୋର୍ଟ,୧୯/୭/୨୦୨୩----୯,୫୫ Sakhigopal News,19/7/2023