ଶେଷ ଦିନ ମାଟ୍ରିକ ପରିକ୍ଷାରେ ୫ ଜଣ ଛାତ୍ର କପି କରି ଧରା ପଡିଲେ
ବେଗୁନିଆ-- ଗତ ୧୯ ତାରିଖ ଠାରୁ ଆରମ୍ଭ ହୋଇଥିବା ମାଟ୍ରିକ ପରୀକ୍ଷାର ଆଜି ଥିଲା ଶେଷ ଦିନ । ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକରେ ମୋଟ ୧୦ ଗୋଟି କେନ୍ଦ୍ରରେ ୧୮୩୦ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ପ୍ରାୟ ୧୭୯୬ ଜଣ ପରିକ୍ଷା ଦେଉଥିବା ବେଳେ ସେମାନଙ୍କ ମଧ୍ୟରୁ ୩୪ ଜଣ ଅନୁପସ୍ଥିତ ଥିଲେ । ଆଜି ଶେଷ ଦିନରେ ବୋର୍ଡରୁ ଆସିଥିବା ସ୍କାର୍ଡ ପାର୍ଟି ବିଭିନ୍ନ କେନ୍ଦ୍ର ପରିଦର୍ଶନ କରିବା ବେଳେ ଗୁଡୁମ ପତିତପାବନ ଉଚ୍ଚ ବିଦ୍ୟାଳୟରେ ୩ ଜଣ,ସିକୋ ଚନ୍ଦ୍ର ଶେଖର ଦେବ ଉଚ୍ଚ ବିଦ୍ୟାଳୟରେ ୧ ଜଣ ଓ ଡଙ୍ଗରପଡା ଲିଙ୍ଗରାଜଦେବ ଉଚ୍ଚ ବିଦ୍ୟାଳୟରେ ୧ ଜଣ ଛାତ୍ର କପି କରୁଥିବା ବେଳେ ସେମାନଙ୍କ ହାତରେ ଧରାପଡି ଏମ୍.ପିରେ ବୁକ ହୋଇଥିବାର ଜଣାପଡିଛି । ବିଭିନ୍ନ କେନ୍ଦ୍ରରେ ଅନୁପସ୍ଥିତ ଥିବା ୩୪ ଜଣ ଛାତ୍ରଛାତ୍ରୀ ପରୀକ୍ଷା ନ ଦେବା ପଛରେ ବିଭିନ୍ନ କାରଣ ରହିଥିବାର ଶୁଣିବାକୁ ମିଳୁଛି । ବେଗୁନିଆରୁ ଯୋଗେଶ୍ୱର ପଣ୍ଡା
