ଝାଡ଼ଖଣ୍ଡରେ ଫସିଛନ୍ତି ଓଡ଼ଗାଁ ବ୍ଳକର ନାଥିଆପଲ୍ଲୀ ଗ୍ରାମର ୨୦ ରୁ ଉର୍ଦ୍ଧ୍ବ ଶ୍ରମିକ
ଦେଶରେ କରୋନା ସଂକ୍ରମଣକୁ ଦୃଷ୍ଟିରେ ରଖି ଲକ ଡାଉନ ପରିସ୍ଥିତି ସୃଷ୍ଟି ହୋଇଥିବାରୁ ସମସ୍ତ କାମ ବନ୍ଦ ହୋଇଯାଇଛି ।ଯାହା ଫଳରେ ସମସ୍ତ ପାଖରେ ଥିବା ସଞ୍ଚୟ ଟଙ୍କା ମଧ୍ୟ ସରିଗଲାଣି । କାଲି ରାଜ୍ୟ ସରକାର କରୋନା ପାଇଁ ହେଲ୍ପ ଲାଇନ ନଂ ଜାରି କରିଥିବା ବେଳେ ସେମାନେ ସେ ନଂ ଯୋଗାଯୋଗ କରିଥିଲେ ସୁଦ୍ଧା ତାହା ବ୍ୟସ୍ତ ଥିବା ସହ ଏବଂ ପରେ ନିରୁପାୟ ହୋଇ ନୟାଗଡ଼ ଜିଲ୍ଲାପାଳଙ୍କ ଅଫିସ ସହ ଯୋଗାଯୋଗ କରିବା ବେଳେ ତାଙ୍କ ଅଫିସରୁ କେବଳ ତାଙ୍କୁ ସେ ସ୍ଥାନ ନ ଛାଡିବା ପାଇଁ କୁହାଯାଇଥିଲା ବୋଲି ଦାଦନ ଶ୍ରମିକ ବିକାଶ ଦାସ କହିଛନ୍ତି । ସୂଚନା ଅନୁଯାୟୀ ସେଠାକାର ସ୍ଥାନୀୟ ବିଡ଼ିଓଙ୍କୁ ସେମାନେ ନିଜର ପରିଚୟ ପତ୍ର ସହ ଅସୁବିଧା ସମ୍ପର୍କରେ ଜଣାଇଥିଲେ । ଆଜି ଜଣେ ଅଫିସର ତାଙ୍କ ସହ ଯୋଗାଯୋଗ କରି ବ୍ୟସ୍ତ ବିବ୍ରତ ନ ହେବାକୁ କହିଛନ୍ତି ।ସେହିପରି କୁରାଳ ଗ୍ରାମପଞ୍ଚାୟତର ଦଣ୍ଡୋର ଏବଂ ଲିଙ୍ଗରାଜ ପ୍ରସାଦ ଗ୍ରାମର ୩୦ ରୁ ଉର୍ଦ୍ଧ୍ବ ଯୁବକ ପୁନେର ଛକନ ରେ ଫସିଛନ୍ତି ..ତାଙ୍କୁ ସେ ସ୍ଥାନରୁ ଉଦ୍ଧାର କରିବା ପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ସେମାନେ ଅନୁରୋଧ କରିଥିବା ଜଣାପଡିଛି । ଏବେ ନୟାଗଡ ଜିଲ୍ଲାର ବିଭିନ୍ନ ଅଞ୍ଚଳର ଶତାଧିକ ଶ୍ରମିକ କରୋନା ଯୋଗୁ ହଇରାଣ ହେଉଥିବା ଜଣାପଡିଛି । ଅନ୍ୟ ପକ୍ଷେ ମନ୍ତ୍ରୀ ଅରୁଣ ସାହୁ ଏ ସମ୍ପର୍କରେ ଅବଗତ ହେବା ପରେ ପଞ୍ଚାୟତ ସ୍ତରୀୟ ଏକ ତାଲିକା ପ୍ରସ୍ତୁତ କରୁଛନ୍ତି । ବହୁ ଶିଘ୍ର ବାହର ରାଜ୍ୟ ରେ ଥିବା ଲୋକମାନଙ୍କୁ ଉଦ୍ଧାର କରିବା ପାଇଁ ଯୋଜନା କରାଯାଇଥିବା ଜଣାପଡ଼ିଛି ।
ଓଡ଼ଗାଁ/ କୁରାଳ ଅର୍ଜୁନ ସାହୁ
.jpg)
