୨ ମାଙ୍କଡା ପଥର ବୋଝେଇ ମିନିଟ୍ରକ ଓ ୧ ଟି ପାୱାର ଟିଲର ଜବତ

ବେଗୁନିଆ----  ସୋମବାର ସକାଳ ସମୟରେ ବେଗୁନିଆ ବ୍ଲକ  ଗୋବିନ୍ଦପୁର ପଞ୍ଚାୟତ ଲୋକିପୁର ଠାରେ ୨ ଟି ମାଙ୍କଡା ପଥର ବୋଝେଇ ମିନିଟ୍ରକ ଓ ୧ ଟି ପାୱାର ଟିଲର ରହିଥିବାର ଖବର ପାଇ ବେଗୁନିଆ ତହସିଲଦାର ବିବେକାନନ୍ଦ ପରିଡା ଓ ଆଡିସନାଲ ତହସିଲଦାର  ଜନ୍ମେଜୟ ସାହୁ  ପହଞ୍ଚିି ଗାଡିଟିକୁ  ଜବତ କରିଥିଲେ । ଗାଡିର ଡ୍ରାଇଭର ବା କେହି ନ ଆସିବାରୁ ଗାଡି ଦୁଇଟିକୁ ବେଗୁନିଆ  ପୋଲିସକୁ ହସ୍ତାନ୍ତର କରାଯାଇଛି । ବେଗୁନିଆ ଅଞ୍ଚଳରେ ପ୍ରତିଦିନ ବେଆଇନ ଭାବେ ପଥର କଙ୍କା ଚାଲିଛି  । ପ୍ରଶାସନ ପକ୍ଷରୁ କୌଣସି ଖଚ୍ଚି ଲିଜ ଦିଆନହୋଇଥିଲେ ମଧ୍ୟ କିଛି ଅସାଧୁ ଯୁବକ ମାନେ ପ୍ରଶାସନର ତାଗିଦକୁ ବେଖାତିରି କରି ପଥର ଚୋରା ଭାବରେ କାଟୁଥିବା ଜଣାପଡିଛି । ଏହାକୁ ନଜର କରି ପ୍ରତିଦିନ ଖଚ୍ଚି ଓ ଗାଡି ଗୁଡିକ ତନଖି କରାଯିବ ବୋଲି ବେଗୁନିଆ ପ୍ରଶାସନ ପକ୍ଷରୁ କୁହାଯାଇଛି   ।
ବେଗୁନିଆରୁ  ଯୋଗେଶ୍ୱର ପଣ୍ଡା