ମଦ ଦୋକାନରୁ ଚୋରି

କୋଣାର୍କ---- କୋଣାର୍କ-କାକଟପୁର ରାସ୍ତା ପାଶ୍ୱର୍ରେ ଥିବା ସରକାରୀ ବିଦେଶୀ ମଦ ଦୋକାନରୁ ଗୁରୁବାର ରାତିରେ ଚୋରି ହୋଇଛି  ।  ଏ ସମ୍ପର୍କରେ ମଦ ଦେକାନର ମାଲିକ ଦେବାଶିଷ ମହାନ୍ତି ଥାନାରେ ଅଭିଯୋଗ କରିଛନ୍ତି । ଦୁର୍ବୁତ୍ତମାନେ ମଦ ଦୋକାନର ସଟରକୁ  ଇଲେକ୍ଟ୍ରୋନିକ୍ କଟର୍ ସାହାଯ୍ୟରେ କାଟି ଭିତରକୁ ପଶିଥିବା ଜଣାପଡିଛି  । ବିଭିନ୍ନ ବ୍ରାଣ୍ଡର ୨୫ହଜାର ଟଙ୍କା ମୂଲ୍ୟର ବିଦେଶୀ ମଦ ଓ ନଗଦ ୩୮ହଜାର ୨୬୦ଟଙ୍କା ଲୁଟ୍ କରିଛନ୍ତି । ସିସି ଟିଭିି କ୍ୟାମେରାର ଦୁଇଟି ଡିଭିଆରକୁ ମଧ୍ୟ ଦୁର୍ବୁତ୍ତମାନେ ଖୋଲି ନେଇଛନ୍ତି । ସମାନ ପ୍ରକାରର ସଟର କାଟି  ୩ମାସ ପୂର୍ବେ ଗୋପ ମଦ ଦୋକାନରୁ ଚୋରି ହୋଇଥିଲା ।  ଏହି ଚୋରିରେ ଏକ ପ୍ରଫେସନାଲ ଚୋର ର‌୍ୟାକେଟ୍ ସଂପୃକ୍ତ ଥିବା ପୋଲିସ ପକ୍ଷରୁ ସୂଚନା ମିଳିଛି ।  କୋଣାର୍କ ଥାନା   ପୋଲିସ ଏ ସଂପର୍କରେ ମାମଲା ନଂ-୧୧୬/୨୦୧୯ ରୁଜୁ କରି ତଦନ୍ତ ଚଳାଇଥିବା ଏଏସ୍ଆଇ ଶ୍ରୀଧର ମଲ୍ଲିକଠାରୁ ସୂଚନା ମିଳିଛି ।
 କୋଣାର୍କରୁ ଅଜିତ କୁମାର ମଲ୍ଲିକ

konark News