ପିପିଲି -----ସ୍ୱଚ୍ଛ ଭାରତ ମିଶନର କଠିନ ବର୍ଜ୍ୟବସ୍ତୁ ପରିଚାଳନା ପାଇଁ ସରକାରଙ୍କ ପକ୍ଷରୁ ପୁରୀ ଜିଲାରେ ପ୍ରଥମ କରି ପିପିଲି ଏନ୍ଏସିକୁ ୪ଟି ବର୍ଜ୍ୟବସ୍ତୁ ପରିବହନ ଗାଡି(ଏଲ୍ସିଭି) ଯୋଗାଇ ଦିଆଯାଇଛି। ବିଧାୟକ ପ୍ରଦୀପ ମହାରଥୀ ସୋମବାର ପତାକା ଦେଖାଇ ଶୁଭାରମ୍ଭ କରିଛନ୍ତି । ବିଧାୟକ ଶ୍ରୀମହାରଥୀ ପୌରବାସୀଙ୍କ ପକ୍ଷରୁ ମୁଖ୍ୟମନ୍ତ୍ରୀ, ବିଭାଗୀୟ ମନ୍ତ୍ରୀ ଓ ପୁରୀ ଜିଲାପାଳଙ୍କୁ କୃତଜ୍ଞତା ଜଣାଇଛନ୍ତି । ପିପିଲି ଏନ୍ଏସିକୁ ସ୍ୱଚ୍ଛ ଓ ନିର୍ମଳ ରଖିବା ଉପରେ ସେ ଗୁରୁତ୍ୱାରୋପ କରିବା ସହ ପିପିଲି ହାଟ, ଅକ୍ଟ୍ରାଇ ଓ ବସ୍ ପାର୍କିଂ ଟିକସକୁ ସଠିକ୍ ଭାବେ ଆଦାୟ କରି ଏନ୍ଏସିର ଆର୍ଥିକ ଅଭିବୃଦ୍ଧି ଉପରେ ଗୁରୁତ୍ୱାରୋପ ଦିିିିଆ ଯିବ ବୋଲି କହିଥିଲେ । ବର୍ଜ୍ୟବସ୍ତୁ ସଂଗ୍ରହ ଅଭିଯାନ ସଂପର୍କରେ ଏନ୍ଏସିର କାର୍ଯ୍ୟନିର୍ବାହୀ ଅଧିକାରୀ ଦାୟିତ୍ୱରେ ଥିବା ଅତିରିକ୍ତ ତହସିଲଦାର ନୀଳକଣ୍ଠ ବେହେରା ସୂଚନା ଦେବା ସହ ପୌରାଞ୍ଚଳରେ ହେବାକୁ ଥିବା ବିଭିନ୍ନ ଉନ୍ନୟନମୂଳକ ଯୋଜନା ସଂପର୍କରେ ଆଲୋକପାତ କରିଥିଲେ। ପିପିଲି ବ୍ଲକ ଉପାଧ୍ୟକ୍ଷ ଯୁଧିଷ୍ଠୀର ସ୍ୱାଇଁ, ବ୍ଲକ ଆତ୍ମା କମିଟିର ଅଧ୍ୟକ୍ଷ ଧରଣୀଧର ସାହୁ, ପୂର୍ବତନ ପୌରାଧ୍ୟକ୍ଷ ସେକ୍ ବାବୁ, ବରିଷ୍ଠ ନେତା ଶରତ ବେହେରା, ଅଜୟ ମହାରଣା , ଆଇନଜୀବୀ ଶ୍ରୀଧର ପ୍ରଧାନ ପ୍ରମୁଖ ଉପସ୍ଥିତ ଥିଲେ।
 |
| Pipili |
ପିପିଲି ରୁ ବିଜୟ ମହାପାତ୍ର
.jpg)
