ପାରିବାରିକ କଳହକୁ ନେଇ ଯୁବତୀଙ୍କ ଆତ୍ମହତ୍ୟା

Beaguni News

ବେଗୁନିଆ---  ପାରିବାରିକ କଳହକୁ ନେଇ  ଜନୈକା ଯୁବତୀ ଗତ  ୧୦ ତାରିଖରୁ ନିଖୋଜ ଥିଲେ । ଏ ସମ୍ପର୍କରେ ପରିବାର ପକ୍ଷରୁ ବେଗୁନିଆ ଥାନାରେ ଏକ ନିଖୋଜ ମାମଲା ଦାଏର କରାଯାଇଥିଲା । କିନ୍ତୁ  ଗତ ଶନିବାର  ଦିନ ରାତିରେ  ଗହିର ମଧ୍ୟରେ ଥିବା ଏକ ନିମ୍ବ ଗଛରେ ଲୁଗା ଲଗାଇ ଜଣେ ଯୁବତୀ ଆତ୍ମହତ୍ୟା କରିଥିବାର ଆଜି ଗ୍ରାମରେ ପ୍ରଘଟ ହୋଇଥିଲା  । ସେଠାରେ ଦେଖିବା ପାଇଁ ଲୋକଙ୍କର ଭିଡ ଜମିଥିଲା  । ପାଇ ବେଗୁନିଆ ପୋଲିସ ଘଟଣା ସ୍ଥଳରେ ପହଞ୍ଚି ଯୁବତୀଙ୍କର ଠିକଣା ପ୍ରଥମେ ଚିହ୍ନଟ କରିଥିଲେ  ।  ଡିଙ୍ଗର ପଂଚାୟତ ଅନ୍ତର୍ଗତ ଭୁଆଷୁଣୀ ପାଟଣା ଗ୍ରାମର ସୁଶାନ୍ତ କୁମାର ବେହେରାଙ୍କ  ଝିଅ ଶିବାନୀ (୨୦)  ବୋଲି ବେଗୁନିଆ ଥାନା ପକ୍ଷରୁ ଜଣା  ପଡିଛି  । ସ୍ଥାନୀୟ ପୋଲିସ  ଘଟଣା ସ୍ଥଳରେ ପହଂଚି ପ୍ରାଥମିକ ତଦନ୍ତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ୍ଦ ପାଇଁ  ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ  ପଠାଇଥିବା ସବଇନିସପେକ୍ଟର ବିଜୟ କୁମାର ମଲ୍ଲିକଙ୍କ ଠାରୁ ପ୍ରକାଶ   । ଅନ୍ୟପକ୍ଷେ ଉକ୍ତ ଯୁବତୀ ନିଖୋଜ ଥିଲେ ବୋଲି ଥାନାରେ ତାଙ୍କ ପରିବାର ପକ୍ଷରୁ ଅଭିଯୋଗ ହୋଇଥିଲା  । ତେବେ ସେ କାହା ସହିତ ଓ କେଉଁଠାରେ ଚାରିଦିନ ରହିଥିଲେ ତାହା ପ୍ରଶ୍ନବାଚୀ ହୋଇ ପଡିଛି ।  ଏହା ହତ୍ୟା ନା ଆତ୍ମହତ୍ୟା ତାହା ତଦନ୍ତ  ପରେ ଜଣାଡିବ ବୋଲି ସାଧାରଣରେ  ଆଲୋଚନା ହେଉଛି ।
 ବେଗୁନିଆରୁ ଯୋଗେଶ୍ୱର ପଣ୍ଡା