ରାସ୍ତା କଡରେ ଥିବା ଟ୍ରକ ଭିତରୁ ଡ୍ରାଇଭରଙ୍କ ମୃତ ଦେହ ଉଧାର

ଭଞ୍ଜନଗର - ରାସ୍ତା  କଡରେ ଥିବା ଟ୍ରକ ଭିତରୁ ଡ୍ରାଇଭରଙ୍କ ମୃତ ଦେହ ଉଧାର କରିଛି ପୋଲିସ। ଜଗନ୍ନାଥପ୍ରସାଦ ନିକଟରେ ଘଟିଛି ଏଭଳି ଘଟଣା ।  ଘଟଣା ସ୍ଥଳରୁ ମୃତ ଦେହକୁ ଜବତ  କରିଛି ଜଗନ୍ନାଥପ୍ରସାଦ ଥାନା  ପୋଲିସ l ମୃତକ ଜଣକ  ଗାଙ୍ଗପୁର ଥାନା ଅନ୍ତର୍ଗତ ବିଞ୍ଚିଣା ଗ୍ରାମର ତ୍ରିନାଥ ନାୟକ (୫୬) l  ଅଭିଯୋଗ ପ୍ରକାରେ ମୃତ ତ୍ରିନାଥ ଏକ ଦଶଚକିଆ ଟ୍ରକ୍  (ଓଆର ୦୫ ଏଫ ୭୦୨୫) ରେ ଡ୍ରାଇଭର ଭାବେ କାର୍ଯ୍ୟ  କରୁଥିଲେ l ସୋମବାର ସନ୍ଧ୍ୟାରେ ଜଗନ୍ନାଥପ୍ରସାଦ ଥାନା ନିକଟ ରାସ୍ତା କଡରେ ଟ୍ରକକୁ ରଖି ତା'ଭିତରେ ଶୋଇଥିଲେ l ମଙ୍ଗଳବାର ସକାଳେ ଦୀର୍ଘ ସମୟଧରି ଟ୍ରକର ଗେଟ ବନ୍ଦ ଥିବାରୁ, ସ୍ଥାନୀୟ ଲୋକଙ୍କ ସନ୍ଦେହ ହୋଇଥିଲା ।   ମୋବାଇଲ ମଧ୍ୟ ବାଜୁଥିଲା । ଏହା ଦେଖି ସ୍ଥାନୀୟ ଲୋକେ ନିକଟସ୍ଥ ଥାନାକୁ ଖବର ଦେଇଥିଲେ l ଥାନାଧିକାରୀ ଅରୁଣ କୁମାର ସିଂ ଘଟଣା ସ୍ଥଳରେ ପହଞ୍ଚି ଗାଡିକୁ ଯାଞ୍ଚ କରି ଗାଡି ମାଲିକକୁ ଖବର ଦେବା ସହ ମୃତକଙ୍କ ପରିବାରକୁ ଯୋଗାଯୋଗ କରିଥିଲେ l ଖବର ପାଇ  ସ୍ତ୍ରୀ, ଝିଅ ଓ ପୁତୁରା ଏବଂ  ଡ୍ରାଇଭର ମହାସଙ୍ଘର କିଛି ସଦସ୍ୟ ପହଞ୍ଚିଥିଲେ । ମାଜିଷ୍ଟ୍ରେଟଙ୍କ ଉପସ୍ଥିତିରେ  ଟ୍ରକ୍ ଭିତରୁ ମୃତ ଦେହକୁ ବାହାର କରାଯାଇଥିଲା  l ମୃତ ତ୍ରିନାଥ ଜିଓ ଟେଲିକମ କମ୍ପାନୀର ଯନ୍ତ୍ରାନ୍ସ ଧରି ଯାଇଥିଲେ l ସେଠାରୁ ସେ ଫେରି ବାହାଡାଝୋଲା ଅଭିମୁଖେ ଯାଇଥାନ୍ତେ l ଜଗନ୍ନାଥ ପ୍ରସାଦ ଠାରେ ପହଞ୍ଚି ରାସ୍ତା ପାର୍ଶ୍ୱରେ ରଖି ବିଶ୍ରାମ କରିଥିଲେ । ଭଂଜନଗର ମେଡିକାଲରେ ମୃତ ଦେହକୁ ବ୍ୟବଛେଦ ପରେ, ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା । ଏନେଇ ଜଗନ୍ନାଥପ୍ରସାଦ ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି । ଅନୁମାନ କରାଯାଉଛି ଯେ ତାଙ୍କର ହୃଦଘାତରେ ମୃତୂ ହୋଇଛି।

ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୩୦/୭/୨୦୨୪----୮,୨୫ Sakhigopal News,30/7/2024