ପୌରପରିଷଦ ବୈଠକରେ ନବନିର୍ବାଚିତ ବିଧାୟକ ଓ ସାଂସଦଙ୍କ ପ୍ରତିନିଧିଙ୍କୁ ସମ୍ବର୍ଦ୍ଧନା

ଜଟଣୀ : ଜଟଣୀ ପୌରପରିଷଦ ସଭା କକ୍ଷରେ  ଅନୁଷ୍ଠିତ କାଉନସିଲ ବୈଠକ ଅବସରରେ ନବନିର୍ବାଚିତ ବିଧାୟକ ବିଭୂତି ଭୂଷଣ ବଳବନ୍ତରାୟ ଓ ଭୁବନେଶ୍ଵର ସାଂସଦଙ୍କ ପୌର ପ୍ରତିନିଧି ସତୀଶ ଶର୍ମାଙ୍କୁ କାଉନସିଲର ମାନଙ୍କ ପକ୍ଷରୁ  ସମ୍ବର୍ଦ୍ଧନା  କରାଯାଇଛି l  ବିଧାୟକଙ୍କ ପ୍ରତିନିଧି ବିଘ୍ନେଶ ବଳବନ୍ତରାୟଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା l ଏହି ସଭାକୁ ପୌରାଧ୍ୟକ୍ଷ ଅନନ୍ତ ବେହେରା ଅଧ୍ୟକ୍ଷତା କରିଥିଲେ l ଏଥିରେ ଅନ୍ୟମାନଙ୍କ ମଧ୍ୟରେ ନିର୍ବାହୀ ଅଧିକାରୀ ସୂର୍ଯ୍ୟମଣି ପାଟ୍ଟଯୋଶୀ, ପୌରାଧ୍ୟକ୍ଷା ଆରତୀ ରାଉତଙ୍କ ସମେତ ପ୍ରାୟ ସମସ୍ତ କାଉନସିଲର ମାନେ ଉପସ୍ଥିତ ରହିଥିଲେ l  ବିଧାୟକ ଶ୍ରୀ ବଳବନ୍ତରାୟ କାଉନସିଲର ମାନଙ୍କୁ ଦଳମତ ନିର୍ବିଶେଷରେ ଜନତାଙ୍କୁ ଉତ୍ତମ ସେବା ପ୍ରଦାନ କରିବା ପାଇଁ ପରାମର୍ଶ ଦେଇଥିଲେ l ଯଦି ଉନ୍ନତି ମୂଳକ କାର୍ଯ୍ୟରେ କେଉଁଠି ସରକାରି ସ୍ତରରେ ବାଧକ ସୃଷ୍ଟି ହେବ ସେଥିପାଇଁ ସେ ରାଜ୍ଯ ସରକାରଙ୍କ ଦୃଷ୍ଟିକୁ ଆଣି ସମାଧାନ କରିବା ପାଇଁ ପଥ ସୁଗମ କରିବାକୁ ଆଶ୍ଵାସନା ଦେଇଥିଲେ l ସେହିପରି ସାଂସଦଙ୍କ ପ୍ରତିନିଧି ଶ୍ରୀ ଶର୍ମା ରାସ୍ତାଘାଟ, ନାଳନର୍ଦ୍ଦମା, ବେଆଇନ ଜବର୍ ଦଖଲ, ଟାଉନ୍ ଖାସ୍ ମାହାଲ ଉପରେ ଆଲୋକପାତ କରିବା ସହିତ କୌଣସି ପ୍ରକାର ଦୁର୍ନୀତି କୁ ପ୍ରଶ୍ରୟ ଦିଆଯିବ ନାହିଁ ବୋଲି ପ୍ରକାଶ କରିଥିଲେ l ଏହି ପରିପ୍ରେକ୍ଷୀରେ ନବ ନିର୍ବାଚିତ ନେତାଙ୍କୁ ସ୍ଵଚ୍ଛ ସାଥୀ, ତଥା ଅନ୍ୟ ପୌର କର୍ମଚାରୀ ମାନଙ୍କ ପକ୍ଷରୁ ଅଭିନନ୍ଦନ ଜଣାଇଥିଲେ l

ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୩/୭/୨୦୨୪-----୮,୪୫ Sakhigopal News,3/7/2024