କଳାକାର ଭତ୍ତା ବୃଦ୍ଧି ପାଇଁ ଦାବି

 

କୋଣାର୍କ ------ କୋଣାର୍କ କଳା ପରିଷଦ  ପକ୍ଷରୁ କଳାକାର ଭତ୍ତା ବୃଦ୍ଧି ପାଇଁ ଦାବି କରାଯାଇଛି । ରାଜ୍ୟ ସରକାର ବିଭିନ୍ନ ବର୍ଗର ଭତ୍ତା ବୃଦ୍ଧି କରିଥିବା ବେଳେ ଓଡ଼ିଆ ଅସ୍ମିତାର ସଜାଗ ପ୍ରହରୀ କଳାକାର ମାନଙ୍କ କଥା ଭୁଲି ଯାଇଛନ୍ତି । ଏହାର ପ୍ରତିବାଦ କରି କୋଣାର୍କ କଳା ପରିଷଦର ଆବାହକ ଉମେଶ ଚନ୍ଦ୍ର ସ୍ବାଇଁ, ଓଡିଶା ସଙ୍ଗୀତ ନାଟକ ଏକାଡେମି ପୁରସ୍କାର ପ୍ରାପ୍ତ ବରିଷ୍ଟ ଗୋଟିପୁଅ ଗୁରୁ ଜୟକୃଷ୍ଣ ନାୟକ ଓ  ଶ୍ରୀ ଜଗନ୍ନାଥ ସଂସ୍କୃତି ସଂକୀର୍ତ୍ତନ ସେବା ବିକାଶ ପରିଷଦ କୋଣାର୍କ ଜୋନର ସଭାପତି ଦୁଃଖିଶ୍ୟାମ ପ୍ରଧାନଙ୍କ ସମେତ ଶତାଧିକ କଳାକାର ଦାବି କରିଛନ୍ତି । ରାଜ୍ୟ ସରକାରଙ୍କ ପକ୍ଷରୁ କଳାକାର ମାନଙ୍କୁ ମାତ୍ର ୧୨ ଶହ ଟଙ୍କା ଯୋଗାଇ ଦିଆଯାଉଛି । ଯାହାକି ଦୁସ୍ତର କଳାକାରମାନଙ୍କ ପରିବାର  ପ୍ରତିପୋଷଣ କରିବା ପାଇଁ ନିଅଣ୍ଟ ହେଉଛି । ନିଜେ ଦୁଃଖରେ ଥାଇ ଅନ୍ୟକୁ ହସାଉଥିବା ଏହି ଦୁସ୍ତ କଳାକାର ମାନଙ୍କ ଆବେଦନକୁ ରାଜ୍ୟ ସରକାର ବିଚାରକୁ ନେଇ କଳାକାର ମାନଙ୍କ ଭତ୍ତା କୁ ବୃଦ୍ଧି କରି ୬ ହଜାର ଟଙ୍କା କରିବା ପାଇଁ କଳାକାର ମାନେ ରାଜ୍ୟ ସରକାରଙ୍କ ନିକଟରେ ଦାବି କରିଛନ୍ତି । କୋଣାର୍କ ରୁ ଅଜିତ ମଲିକ,୨୭/୭/୨୦୨୪---୬,୩୫ Sakhigopal News,27/7/2024