ବରଗଡ଼---- ବରଗଡ ଜିଲ୍ଲା ଭେଡେନ ବ୍ଳକ ଝରାପାଲି ମାର୍କେଟ ଥୁଆପାଲି ଠାରେ ପ୍ରତି ବର୍ଷ ଭଳି ଶିବରାତ୍ରି ଦିନରେ ଏବର୍ଷ ମଧ୍ୟ ସାମୁହିକ ବ୍ରତୋପନୟନ ଅନୁଷ୍ଠିତ ହୋଇଯାଇଛି। ଏହା ସ୍ଵର୍ଗତ ବୀରବଲ ଅଗ୍ରୱାଲ ୧୯୯୭ ମସିହାରେ ଆରମ୍ଭ କରି ଥିଲେ। ଗରିବ ବ୍ରାହ୍ମଣ ପରିବାରର ପିଲାମାନେ ବ୍ରତ ନହୋଇ ଅନେକ ଅସୁବିଧାର ସମ୍ମୁଖୀନ ହେଉଥିଲେ। ସ୍ଵର୍ଗତ ବୀରବଲ ଅଗ୍ରୱାଲା ଚିନ୍ତା କରି ସମସ୍ତ ଖର୍ଚ୍ଚ ନିଜେ ବହନ କରି ସାମୁହିକ ବ୍ରତୋପନୟନ ଆରମ୍ଭ କରିଥିଲେ। ତାଙ୍କର ଉତ୍ତରାଧିକାରୀ ଭାବରେ ପ୍ରତିବର୍ଷ କୈଳାସ ଅଗ୍ରୱାଲା ଶିବରାତ୍ରି ଦିନ ଏହି ସାମୁହିକ ବ୍ରତୋପନୟନ ଖର୍ଚ୍ଚ ନିଜେ କରି ଆସୁଛନ୍ତି। ଏବର୍ଷ ୧୩ ଜଣ ବ୍ରାହ୍ମଣ ପିଲା ସମସ୍ତ ରିତିନୀତି ଅନୁସାରେ ପଣ୍ଡିତ ଦୁଃଖୀଶ୍ଯାମ ମିଶ୍ର,, କୁନା ତ୍ରିପାଠୀ ଓ ମାଧବ ମହାପାତ୍ର ସମସ୍ତ ବ୍ରତୋପନୟନ କାର୍ଯ୍ୟ ତୁଲାଇଥିଲେ।ଏଥିରେ ଲାୟନ କ୍ଲବ, ଇୟୋ କ୍ଲବ ଓ ଝରାପାଲି ମାର୍କେଟ ଥୁଆପାଲି ର ସମସ୍ତ ଜନସାଧାରଣ ସହଯୋଗ କରିଥିଲେ। ସନ୍ଧ୍ୟା ସମୟରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୧୮/୨/୨୦୨୩---୮,୧୫ Sakhigopal News,18/2/2023
