ଭଞ୍ଜନଗର---- ଗାଁ ଭିତରେ ପଶି , ଘର ବାରଣ୍ଡା ସଫା କରୁଥିବା ମହିଳାଙ୍କୁ ଆକ୍ରମଣ କଲା ବଣୁଆ ବାରହା । ଗୁରୁତର ଆହତ ମହିଳା ଏବେ ମେଡିକାଲ ରେ ଭର୍ତ୍ତି ହୋଇଛନ୍ତି । ଉତ୍ତର ଘୁମୁସର ବନଖଣ୍ଡ ତାରସିଂ ବନାଞ୍ଚଳ ଅନ୍ତର୍ଗତ କୋକଳବା ଗ୍ରାମରେ ଘଟିଛି ଏଭଳି ଘଟଣା । ଆହତ ମହିଳା ଜଣକ ବୌଜନ୍ତୀ ସାହୁ ବୋଲି ଜଣାପଡିଛି । ଖବର ନେବାରେ ବୌଜନ୍ତୀ ସକାଳୁ ଉଠି ଘର ବାରଣ୍ଡା ସଫା କରୁଥିବା ସମୟରେ ହଠାତ୍ ବାରହାଟି ଗାଁ ମୁହାଁ ହୋଇଥିଲା । ବୌଜନ୍ତୀଙ୍କ ଘର ଭିତରେ ପଶିଯିବାରୁ ବୌଜନ୍ତୀ ଘରକୁ ଯାଇ ବାରହା୍ଟିକୁ ଘେଡାଇବା ଉଦ୍ୟମ କରିଥିଲେ । ସେହି ସମୟରେ ବାରହାଟି ହିଂସ୍ର ହୋଇ ବୌଜନ୍ତୀକୁ ଆକ୍ରମଣ କରିଥିଲା । ଫଳରେ ତାଙ୍କ କାନ ଓ ଗୋଡକୁ କାମୁଡି ଦେଇଥିଲା ବାରହା । ରକ୍ତଜୁଡୁ ଅବସ୍ଥାରେ ସ୍ଥାନୀୟ ଲୋକେ ଭଧାର କରି ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରିଥିଲେ । ଏହି ଖବର ପାଇ ତାରସିଂ ବନାଞ୍ଚଳ ଅଧିକାରୀ ତାରାକାନ୍ତ ଉଦଗାତା ଙ୍କ ନିଦ୍ଧେର୍ଶ କ୍ରମେ , ବନପାଳ କଳାବଦନ ଦାଶ ଭଞ୍ଜନଗର ଡାକ୍ତରଖାନାରେ ପହଞ୍ଚି ଆହତ ମହିଳାଙ୍କ ସ୍ବାସ୍ଥ୍ୟବସ୍ଥା ବୁଝିଥିଲେ । ସରକାର ଙ୍କ ସମସ୍ତ ସହାୟତ ଯୋଗାଇ ଦିଆଯିବ ବୋଲି ପ୍ରତିଶୃତି ଦେଇଛନ୍ତି । ଅନ୍ୟପକ୍ଷରେ ଆହତ ମହିଳାଙ୍କ ସ୍ବାସ୍ଥ୍ୟ ଅବସ୍ଥା ସ୍ଥିର ଥିବା, ମେଡିକାଲ ସୂତ୍ରରୁ ଜଣାପଡିଛି । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୪/୯/୨୦୨୨---୯,୨୦ Sakhigopal News,4/9/2022
