ଘରେ ପଶି ସ୍ବାମୀ, ସ୍ତ୍ରୀ ଙ୍କୁ ଆକ୍ରମଣ , ୩ ଗିରଫ

ଭଞ୍ଜନଗର -  ତାରାସିଂ ଥାନା ଅନ୍ତର୍ଗତ ଗେରେଡା ଗ୍ରାମରେ ଘରେ ପଶି ସ୍ବାମୀ ଓ ସ୍ତ୍ରୀ ଙ୍କୁ ଆକ୍ରମଣ କଲେ ଯୁବକ । ଗେରେଡା ଗାଁ ର ନବଘନ ନାୟକ ଓ ସ୍ତ୍ରୀ ଅନ୍ନପୂର୍ଣ୍ଣା ନାୟକଙ୍କୁ ଆକ୍ରମଣ କରିଛନ୍ତି ସେହି ଗାଁ ର ଜିତୁ ନାୟକ ଓ ତାର ୨ ସହଯୋଗୀ ପିତବାସ ନାୟକ ଓ ସଞ୍ଜୟ ନାୟକ । ଉଭୟ ସହଯୋଗୀଙ୍କ ଘର ବେଲଗୁଣ୍ଠା ଥାନା ଅନ୍ତର୍ଗତ ତନରଡା ଗ୍ରାମରେ । ଏନେଇ ସଂପୃକ୍ତ ଆକ୍ରମଣକାରୀ ୩ ଯୁବକଙ୍କ ନାମରେ ତାରାସିଙ୍ଗି ଥାନା ରେ ଲିଖିତ ଅଭିଯୋଗ କରିଥିଲେ  ଅନ୍ନପୂର୍ଣ୍ଣା ନାୟକ  ।  ଅଭିଯୋଗ କୁ ଭିତ୍ତି କରି ତାରାସିଂ ଥାନା କେସନଂ ୨୯୨/୨୨ ମାମଲା ରୁଜୁ ହେବା ସହ ୩ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଅଭିଯୋଗ ପ୍ରକାରେ   ଗେରେଡା ଗ୍ରାମର ଜନୈକ ଯୁବତୀକୁ ଗାଳିଗୁଲଜ  କରିଥିଲା ଜିତୁ ।  ଘଟଣା ସମୟରେ ଯୁବତୀ ଜଣକ  ନବଘନଙ୍କ ଘରକୁ ଚାଲିଯାଇଥିଲେ ।  ଏହାକୁ  ନେଇ ପୁଣି ଜିତୁ ଗାଳିଗୁଲଜ କରିଥିଲା ।  ନବଘନ ଏହାକୁ ପ୍ରତିବାଦ କରିଥିଲେ । ପରେ ଜିତୁ ଉତକ୍ଷିପ୍ତ  ହୋଇ ରବିବାର ସକାଳୁ  ତାର ଦୁଇ ସହଯୋଗୀ ପିତବାସ ଓ ସଞ୍ଜୟ ଙ୍କ ସହ  ନବଘନଙ୍କ ଘରକୁ ଯାଇ ପୁଣି ଗାଳିଗୁଲଜ କରିବା ସହ ଆକ୍ରମଣ କରିଥିଲେ । ଘଟଣା ସମୟରେ ସ୍ତ୍ରୀ ଅନ୍ନପୂର୍ଣ୍ଣା  ପ୍ରତିବାଦ କରିବାରୁ ତାଙ୍କୁ ମଧ୍ୟ ମାଡ ମାରି  ଚମ୍ପଟ ମାରିଥିଲେ ।  ନବଘନକୁ ଗୁରୁତର ଅବସ୍ଥାରେ ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଇଛି। ୨୧/୯/୨୦୨୨---୬,୪୦    Sakhigopal News,21/9/2022