Breaking News

ସ୍କୁଲ ପରିଚାଳନା କମିଟି ପ୍ରଶିକ୍ଷଣ ଶିବିର


କୋଣାର୍କ---- ସମଗ୍ର ଶିକ୍ଷା, ପୁରୀ ସହାୟତାରେ କୋଣାର୍କ ନିକଟସ୍ଥ ଭୈରବ ନୋଡାଲ ୟୁପିଏସ୍ କ୍ଲଷ୍ଟର ପକ୍ଷରୁ ସ୍କୁଲ ପରିଚାଳନା କମିଟି ପ୍ରଶିକ୍ଷଣ ଶିବିର ‘ସହଯୋଗ-୨’ ଆୟୋଜିତ ହୋଇଯାଇଛି । ସାଧନକେନ୍ଦ୍ର ସଂଯୋଜକ ରବୀନ୍ଦ୍ରନାଥ ବାହିନୀପତିଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହି ପ୍ରଶିକ୍ଷଣ ଶିବିରରେ ଭୈରବ ନୋଡାଲ ୟୁପିଏସ୍ କ୍ଲଷ୍ଟର ଅନ୍ତର୍ଗତ ୧୨ଟି ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟ ପରିଚାଳନା କମିଟିର ଅଭିଭାବକ ସଦସ୍ୟ, ୱାର୍ଡସଭ୍ୟ, ଅଙ୍ଗନବାଡି କର୍ମୀ ଓ ଆଶାକର୍ମୀମାନେ ଯୋଗଦେଇଥିଲେ । ସାଧନକର୍ମୀ ବନ୍ଦନା ଆଚାର୍ଯ୍ୟ, କାଲନ୍ଦୀଚରଣ ଜେନା ଓ ପ୍ରମୋଦ କୁମାର ବେହେରା ସ୍କୁଲ ପରିଚାଳନା କମିଟିର ଗଠନ ପ୍ରଣାଳୀ, ସଦସ୍ୟମାନଙ୍କର ଦାୟିତ୍ୱ ଓ କର୍ତ୍ତବ୍ୟ, ମୋ ସ୍କୁଲ, ଶିକ୍ଷା ଅଧିକାର ଆଇନ, ଶିଶୁ ଅଧିକାର ଓ ବିଦ୍ୟାଳୟ ବିକାଶ ଯୋଜନା ସମ୍ପର୍କରେ ପ୍ରଶିକ୍ଷାର୍ଥୀମାନଙ୍କୁ ତାଲିମ ପ୍ରଦାନ କରିଥିଲେ । ଏହି ଅବସରରେ ଗୋପ ବ୍ଲକ ଶିକ୍ଷା ଅଧିକାରୀ ବସନ୍ତ କୁମାର ମିଶ୍ର ପ୍ରଶିକ୍ଷଣ ଶିବିର ପରିଦର୍ଶନ କରିଥିଲେ ।  ପ୍ରଶିକ୍ଷଣ ଶିବିର ପରିଚାଳନାରେ ଏ.କେ. ବିଦ୍ୟାପୀଠର ସହକାରୀ ଶିକ୍ଷକ ରାମକୃଷ୍ଣ ମହାନ୍ତି, ଆମ୍ବିଳିଗାଁ ୟୁଜୁୟୁପି ସ୍କୁଲର ସହକାରୀ ଶିକ୍ଷକ ଗୋବିନ୍ଦ ଛାଟୋଇ ଓ ନୂଆଗାଁ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷୟିତ୍ରୀ  କେ. ବାସନ୍ତୀ ସହଯୋଗ କରିଥିଲେ ।
କୋଣାର୍କରୁ ଅଜିତ କୁମାର ମଲିକ 

Blog Archive

Popular Posts