ଦେଶ ସ୍ବାଧୀନତାର ୭୭ ବର୍ଷ ପରେ ବି ଗାଁକୁ ଭଲ ରାସ୍ତାଟିଏ ନାହିଁ
ବରଗଡ ଜିଲ୍ଲା ଭେଡେନ ବ୍ଲକ ଚିଚିଣ୍ଡା ଗ୍ରାମପଞ୍ଚାୟତ ର ବାଞ୍ଜୀପାଲି ମାର୍କେଟ ଠାରୁ ଅରଞ୍ଜୁଡା ପଞ୍ଚାୟତର ଦୀପଟିକରା ପର୍ଯ୍ୟନ୍ତ ରାସ୍ତା କାଦୁଅରେ ପରିପୂର୍ଣ୍ଣ ହୋଇଛି। ଏହି ରାସ୍ତା ପାଇଁ ବାରମ୍ବାର ଦୀପଟିକରା ଗ୍ରାମବାସୀ ଅନେକ ଥର ଅଭିଯୋଗ କରୁଥିଲେ ମଧ୍ୟ ଅରଞ୍ଜୁଡା ପଞ୍ଚାୟତ ଓ ଭେଡେନ ବ୍ଲକ ପ୍ରଶାସନ କିମ୍ବା ଜିଲ୍ଲା ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଇନାହିଁ। ଏହି ରାସ୍ତା ଦେଇ ଯିବା ଆସିବା କଷ୍ଟକର ହୋଇଥାଏ । କୌଣସି ଚାରିଚକିଆ ଯାନ, ବାଇକ ଆରୋହୀ, ଛାତ୍ରଛାତ୍ରୀ ମାନେ ସାଇକେଲ ଯୋଗେ ଯାଉଥିବା ବେଳେ ନାନାପ୍ରକାର ଅସୁବିଧା ର ସମ୍ମୁଖୀନ ହେଉଛନ୍ତି। ପ୍ରଶାସନିକ ସ୍ତରରେ ଆବଶ୍ୟକ ପଦକ୍ଷେପ ଗ୍ରହଣ କରି ଜନସାଧାରଣଙ୍କ ରାସ୍ତା ସମସ୍ୟା ଦୂରକରିବା ପାଇଁ ଗ୍ରାମବାସୀ ମାନେ ଦାବୀ କରୁଛନ୍ତି। ନଚେତ ଆଗାମୀ ଦିନରେ ଆନ୍ଦୋଳନ ପନ୍ଥା ଗ୍ରହଣ କରିବେ ବୋଲି ଜଣାପଡିଛି।
ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୬/୮/୨୦୨୪----୯,୪୫ Sakhigopal News,6/8/2024
