ପୁନର୍ବାର ଆରମ୍ଭ ହେଲା ନୂତନ ସୂର୍ଯ୍ୟ ମନ୍ଦିରର ନିର୍ମାଣ ; ପ୍ରସନ୍ନ ପାଟ୍ଟଶାଣୀଙ୍କ ଦ୍ବାରା ମୂଳଦୁଆ ପଡିଲା
କୋଣାର୍କ,---- ପବିତ୍ର ରାକ୍ଷୀ ପୂର୍ଣ୍ଣିମାର ଶୁଭ ଦିନରେ ଭୁବନେଶ୍ୱର ର ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀଙ୍କ ଦ୍ବାରା ନୂତନ ସୂର୍ଯ୍ୟ ମନ୍ଦିର ନିର୍ମାଣ କାର୍ଯ୍ୟର ଦ୍ୱିତୀୟ ପର୍ଯ୍ୟାୟର ମୂଳଦୁଆ ପକାଇଛନ୍ତି। ଏ ସମ୍ପର୍କରେ ନୂତନ କୋଣାର୍କ ସୂର୍ଯ୍ୟ ମନ୍ଦିର ନିର୍ମାଣ କର୍ମଶାଳାର ସଭାପତି ଶ୍ରୀ ମୁକେଶ ଜୈନ କହିଛନ୍ତି ଯେ ଭଗବାନ ଜଗନ୍ନାଥଙ୍କ ଅପାର କରୁଣାରୁ କୋଣାର୍କରେ ନବନିର୍ମିତ ନୂତନ ସୂର୍ଯ୍ୟ ମନ୍ଦିରର ଦ୍ୱିତୀୟ ପର୍ଯ୍ୟାୟ ନିର୍ମାଣ କାର୍ଯ୍ୟ ଆରମ୍ଭ ହେଉଛି। ବାବା ପ୍ରସନ୍ନ ପାଟ୍ଟଶାଣୀଙ୍କ ସହାୟତାରେ ମନ୍ଦିର ନିର୍ମାଣର ଦ୍ୱିତୀୟ ପଯ୍ୟୟ ଆରମ୍ଭ ହୋଇ ଆମେ ଏବଂ ସମଗ୍ର କୋଣାର୍କ ବାସି ଖୁସି ଅଟୁ। ଶ୍ରୀ ଜୈନ କହିଛନ୍ତି ଯେ ବର୍ତ୍ତମାନ ସୂର୍ଯ୍ୟ ମନ୍ଦିର ୯ ଫୁଟର ବିଶାଳ ସୂର୍ଯ୍ୟ ଙ୍କ ପ୍ରତିମା ସହିତ ୪ ଟି ଚକ୍ର ଏବଂ ସାତୋଟି ଘୋଡା ସହିତ ନିର୍ମାଣ କରାଯାଇଛି। ବାବା ପ୍ରସନ୍ନ ପାଟ୍ଟଶାଣୀ କହିଛନ୍ତି ଯେ ଖୁବ୍ ଶୀଘ୍ର ଜଗମୋହନଙ୍କ ନିର୍ମାଣ କାର୍ଯ୍ୟ ମଧ୍ୟ ଆରମ୍ଭ ହେବ। ଭିତ୍ତି ପ୍ରସ୍ତର ସ୍ଥାପନ ପାଇଁ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଏବଂ ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ଅତିଥି ଭାବେ ଯୋଗ ଦେବାର ଆଶା ରହିଛି। ଶ୍ରୀ ପାଟ୍ଟଶାଣୀ କହିଛନ୍ତି ଯେ ଜଗମୋହନର ଅର୍ଦ୍ଧେକ ଅଂଶ ପଥର ମଧ୍ୟ ଖୋଦିତ ହୋଇଛି। ଶହ ଶହ ଟନ୍ ପଥର କୋଣାର୍କରେ ପହଞ୍ଚିଛି । ଆଗାମୀ ୩ ବର୍ଷ ମଧ୍ୟରେ କୋଣାର୍କରେ ଏକ ବିଶାଳ ନୂତନ ସୂର୍ଯ୍ୟ ମନ୍ଦିର ପ୍ରସ୍ତୁତ ହେବ । ଏହି ଅବସରରେ କର୍ମକର୍ତ୍ତା ଯୁଧିଷ୍ଠିର ସ୍ବାଇଁ ଓ ପୂଜକ ବାପି ପଣ୍ଡା ପ୍ରମୁଖ ଉପସ୍ଥିତ ଥିଲେ।
.jpg)
