ସାକ୍ଷୀଗୋପାଳ:- ଭାରତୀୟ ହକି କ୍ରୀଡ଼ାପ୍ରତି କିମ୍ବଦନ୍ତୀ ସାଜିଥିବା ମେଜର ଧ୍ୟାନଚାନ୍ଦଙ୍କ ଜନ୍ମ ଜୟନ୍ତୀକୁ କେନ୍ଦ୍ର ସରକାର ୨୦୧୨ ମସିହାରୁ ଭାରତୀୟ ଜାତୀୟ କ୍ରୀଡ଼ା ଦିବସ ରୂପେ ପାଳନ କରାଯାଉଛି । ଏହି ଦିବସଟିକୁ ଆଜି ସମସ୍ତ ବିଦ୍ୟାଳୟ ତଥା ମହାବିଦ୍ୟାଳୟରେ କ୍ରୀଡ଼ା ଦିବସ ରୂପେ ପାଳନ କରାଯାଇଛି। ଏହି ଅବସରରେ ଉତ୍କଳମଣି ଗୋପବନ୍ଧୁ ସ୍ମୃତି ମହାବିଦ୍ୟାଳୟର ସଭା ଗୃହରେ ଆଜି ଜାତୀୟ କ୍ରୀଡ଼ା ଦିବସ ପାଳିତ ହୋଇଯାଇଛି। ଏହି ସଭାରେ ଅନୁଷ୍ଠାନର ଅଧ୍ୟକ୍ଷ ପ୍ରଫେସର ସତ୍ୟ ଶିବ ସୁନ୍ଦର ମିଶ୍ର ସଭାପତିତ୍ୱ କରିଥିଲାବେଳେ ଛାତ୍ର ଛାତ୍ରୀଙ୍କ ନିକଟରେ ଥିବା କ୍ରୀଡ଼ା ପ୍ରତି ପ୍ରତିଭା ପଦର୍ଶନ କରି ଧ୍ୟାନଚାନ୍ଦ ଙ୍କ ପରି ଗୌରବ ଆଣିବ ନିମନ୍ତେ ମତ ପ୍ରଦାନ୍ କରିଥିଲେ । କ୍ରୀଡ଼ା ଦିବସ ଅବସରରେ ମହାବିଦ୍ୟାଳୟରେ କିଛି ଛାତ୍ରଛାତ୍ରୀମାନଙ୍କ ଦ୍ୱାରା କିଛି କ୍ରୀଡ଼ା ପ୍ରତିଯୋଗୀତା ହୋଇଥିଲା । ଏଥିରେ ବିଜୟୀ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା। ଏହି କାର୍ଯ୍ୟକ୍ରମରେ ମହାବିଦ୍ୟାଳୟର କ୍ରୀଡ଼ା ସମ୍ପାଦକ ବୈକୁଣ୍ଠ କୁମାର ମେହର, ସାର୍ଥକ ମିଶ୍ର, ମନୋଜ କୁମାର ମହାକୁଡ଼, ଆକାଶ ସାହୁଙ୍କ ସମେତ ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ। କାର୍ଯ୍ୟକ୍ରମର ସଫଳତା ନିମନ୍ତେ ଅନୁଷ୍ଠାନର କ୍ରୀଡ଼ା ଶିକ୍ଷକ ଶ୍ରୀ ରଘୁନାଥ ପରିଡ଼ା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ସେହିପରି ସତ୍ୟବାଦୀ ହାଇସ୍କୁଲରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି। ବିଦ୍ୟାଳୟ ର ଏନସିସି ଅଫିସର ସୁଚିତ୍ର ଖଟଓଇଙ୍କ ତତ୍ବାବଧାନରେ ଏନସିସି କ୍ୟାଡ଼ର ଛାତ୍ର ମାନେ ଏକ ଶୋଭାଯାତ୍ରା କରିଥିଲେ ।
ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ ,୨୯/୮/୨୦୨୪----୬,୫୫ Sakhigopal News,29/8/2024
