ଡିଏଭି ବିଦ୍ୟାଳୟରେ ଜାତୀୟ କ୍ରୀଡା ଦିବସ ପାଳନ

 

ଭଞ୍ଜନଗର--  ଡିଏଭି ପିଟି ଏସ ଆର ପବ୍ଲିକ ସ୍କୁଲ ଭଞ୍ଜନଗରରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି  । ଉତ୍ସବରେ ମୁଖ୍ୟ ଅତିଥି ଭାବେ କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟ ର ପୂର୍ବତନ ଅଧ୍ୟକ୍ଷ ଶ୍ରୀ ପୂର୍ଣ୍ଣ ଚନ୍ଦ୍ର ତ୍ରିପାଠୀ ଓ ଉକ୍ତ  ମହାବିଦ୍ୟାଳୟର ଅବସର ପ୍ରାପ୍ତ ବିଶିଷ୍ଟ କ୍ରୀଡାବିତ୍ ଶ୍ରୀ ପି.ଆନନ୍ଦ ରାଓ ଯୋଗଦେଇଥିଲେ । ସକାଳ ଅଧିବେଶନ ରେ ବିଦ୍ୟାଳୟ ହାଉସ ଛାତ୍ରଛାତ୍ରୀଙ୍କ ଦ୍ବାରା ରାଲୀ କରାଯାଇଥିଲା । ନିମନ୍ତ୍ରିତ ଅତିଥି ଧ୍ୟାନଚାନ୍ଦଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ପ୍ରଦାନ କରି ପ୍ରଦୀପ ପ୍ରଜ୍ଜ୍ଵଳନ  କରିଥିଲେ । ବିଦ୍ୟାଳୟ ତରଫରୁ ଶିକ୍ଷକ ଶ୍ରୀ ପ୍ରବୀଣ ପାତ୍ର ଓ  ଶିକ୍ଷୟିତ୍ରୀ ଶ୍ରୀମତୀ ରାଜଲକ୍ଷ୍ମୀ ଡାକୁଆ ଅତିଥି ମାନଙ୍କୁ ସ୍ଵାଗତ ସମ୍ବର୍ଦ୍ଧନା ପ୍ରଦାନ କରିଥିଲେ । ଧ୍ୟାନ ଚାନ୍ଦଙ୍କ ଖେଳ ପ୍ରତି ଥିବା ଅବଦାନକୁ ସ୍ମରଣ କରି ମୁଖ୍ୟ ଅତିଥି ଓ ଶିକ୍ଷକ ଶ୍ରୀ ବରୁଣ ବେହେରା  ବକ୍ତବ୍ୟ ପ୍ରଦାନ କରିଥିଲେ। ବିଦ୍ୟାଳୟର ପିଇଟି ଶ୍ରୀ ୟୁ .ଉମାଶଙ୍କର ରାଓଙ୍କ ତତ୍ତ୍ବାବଧାନରେ ବିଦ୍ୟାଳୟ ଛାତ୍ରୀ ଚେତନା ଦାଶ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଏହି ଅବସରରେ ଛାତ୍ରଛାତ୍ରୀ ମାନଙ୍କ ଦ୍ୱାରା ତାଇ କୁଣ୍ଡ ମାଧ୍ୟମରେ ରକ୍ଷାତ୍ମକ ଭିତ୍ତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା।  ନବମ ଶ୍ରେଣୀର ଛାତ୍ର ଶୁଭମ୍ ବେହେରା ଓ ଅଷ୍ଟମ ଶ୍ରେଣୀରେ ପଢୁଥିବା ଛାତ୍ରୀ ସ୍ମିତିରାଣୀ ରାଉତ ବକ୍ତବ୍ୟ ପ୍ରଦାନ କରିଥିଲେ । ଶିକ୍ଷୟିତ୍ରୀ ଶ୍ରୀମତୀ ସୋନାଲି ସାହୁ ଧନ୍ୟବାଦ ଅର୍ପଣ କରିଥିଲେ । ସମସ୍ତ ଶିକ୍ଷକ ଶିକ୍ଷୟିତ୍ରୀ ଏହି କାର୍ଯ୍ୟକ୍ରମକୁ ପରିଚାଳନା ରେ ସହଯୋଗ କରିଥିଲେ। ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୯/୮/୨୦୨୪----୬,୩୫ Sakhigopal News,29/8/2024