ଖୁଣ୍ଟୁଲିପାଲି ସରସ୍ଵତୀ ଶିଶୁ ବିଦ୍ୟାମନ୍ଦିର ଠାରେ ମାତୃକର୍ମଶାଳା

 

ବରଗଡ଼ ---- ବରଗଡ ଜିଲ୍ଲା ଭେଡେନ ବ୍ଲକ ଖୁଣ୍ଟୁଲିପାଲି ସରସ୍ଵତୀ ଶିଶୁ ବିଦ୍ୟାମନ୍ଦିର ଠାରେ ମାତୃକର୍ମଶାଳା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଦ୍ୟାଳୟର ପରିଚାଳନା କମିଟି ସଭାପତି ସୁରେନ୍ଦ୍ର କୁମାର ଦାଶ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ବିଦ୍ୟାଳୟର ସମ୍ପାଦକ ମଦନ ମୋହନ ଦାଶ ଦୀପ ପ୍ରଜ୍ଜ୍ୱଳନ ପୂର୍ବକ ପୂଜାର୍ଚ୍ଚନା କରି ବିଦ୍ୟାଳୟର ଶୁଭକାମନା କରିଥିଲେ ।ସମ୍ମାନିତ ଅତିଥି ଉପ ସଭାପତି ପ୍ରବୀଣ କୁମାର ସାହୁ  ଯୋଗଦାନ କରିଥିଲେ । ପ୍ରଧାନ ଆଚାର୍ଯ୍ୟ ଭୋଜରାଜ ଦୁଆନ ଅତିଥି ପରିଚୟ ପ୍ରଦାନ କରିଥିଲେ ।ମୁଖ୍ୟ ଅତିଥି ଶିଶୁର ବିକାଶରେ" ମା ମାନଙ୍କ ଭୂମିକା" ବିଷୟରେ ମାର୍ଗଦର୍ଶନ କରିଥିଲେ ।ମା' ମାନଙ୍କୁ ନେଇ ମାତୃଭାରତୀ ଗଠନ କରାଯାଇଥିଲା ।ବିଦ୍ୟାଳୟର ଗୁରୁଜୀ ନିରଞ୍ଜନ ପଡ଼ିଆ ପରିଚାଳନା କରିଥିଲେ । ଏହି ସମ୍ମିଳନୀରେ ମୋଟ ୧୨୭ ଜଣ ମା ଉପସ୍ଥିତ ଥିଲେ। ସମସ୍ତ ଗୁରୁମା, ଗୁରୁଜୀ ମାନେ ସହଯୋଗରେ କାର୍ଯକ୍ରମଟି ସାଫଲ୍ୟମଣ୍ଡିତ ହୋଇଥିଲା ।ପରିଶେଷରେ ପରିଚାଳନା ସମିତିର ସମ୍ପାଦକ ମଦନମୋହନ ଦାଶ ଧନ୍ୟବାଦ ଅର୍ପଣ କରିଥିଲେ।

ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୩୧/୮/୨୦୨୪---୮,୩୫ Sakhigopal News,31/8/2024