ରକ୍ତ ଦାନ ଶିବିର,୨୦୦ୟୁନିଟ ରକ୍ତ ସଂଗ୍ରହ

ଜଟଣୀ :--ସେଞ୍ଚୁରିଅନ ବିଶ୍ବବିଦ୍ୟାଳୟ, ଓଡିଶାର CSR ସେଲ୍ ଓ ଡିନ୍ ଷ୍ଟୁଡେଣ୍ଟସ୍‌ ୱେଲଫେୟାର, ଓ କ୍ୟାପିଟାଲ ହସ୍ପିଟାଲ୍ ବ୍ଲଡ୍ ବ୍ୟାଙ୍କ, ଭୁବନେଶ୍ୱରଙ୍କ ମିଳିତ ଭାବରେ ୧୪ ତାରିଖରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ସେଞ୍ଚୁରିଅନ ବିଶ୍ବବିଦ୍ୟାଳୟର ଉପକୁଳପତି ଡ଼. ସୁପ୍ରିୟା ପଟ୍ଟନାୟକ ଏହି ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଶିବିରରେ ୨୦୦ରୁ ଅଧିକ ଛାତ୍ରଛାତ୍ରୀ ଓ ଶିକ୍ଷକମଣ୍ଡଳୀ ସ୍ବେଛାକୃତ ଭାବେ ରକ୍ତ ଦାନ କରିଥିଲେ।

"ମାନବଜାତିଙ୍କ ସେବା କରିବା ଆମ ସାମାଜିକ ଓ ନୈତିକ ଦାୟିତ୍ୱ। ଏହାକୁ ପୂରଣ କରିବାର ଏକ ଉପାୟ ହେଉଛି ରକ୍ତ ଦାନ କରିବା ଓ ଏପରି କ୍ୟାମ୍ପ ଆୟୋଜନ କରିବା, ଯାହାଦ୍ୱାରା ଆମ ଦେଶ ଏକ ରକ୍ତ-ସଂପନ୍ନ ଦେଶ ଭାବେ ପରିବର୍ତ୍ତିତ ହେବ। ରକ୍ତ-ଅଭାବୀ ଦେଶ ନୁହେଁ। ଏହିପରି ମେଗା ରକ୍ତଦାନ ଅଭିଯାନର ଉଦ୍ୟମ ଦ୍ୱାରା ଆମେ ନିଶ୍ଚିତ କରିପାରିବୁ ଯେ ରକ୍ତବ୍ୟାଙ୍କ ଗୁଡ଼ିକରେ ଆବଶ୍ୟକ ରକ୍ତ ଉପଲବ୍ଧ ରହିବ ଓ କୌଣସି ମଣିଷ ରକ୍ତ ଅଭାବରୁ ମୃତ୍ୟୁବରଣ କରିବେ ନାହିଁ ବୋଲି ଡ଼. ସୁପ୍ରିୟା ପଟ୍ଟନାୟକ କହିଛନ୍ତି।

ସେଞ୍ଚୁରିଅନ ବିଶ୍ବବିଦ୍ୟାଳୟ, ଓଡିଶାର ପ୍ରୋ ଉପକୁଳପତି ଡ. ବିଶ୍ୱଜିତ ମିଶ୍ର, ଛାତ୍ର କଳ୍ୟାଣ ଡିନ୍ ଡ. ସଙ୍ଗ୍ରାମ କେଶରୀ ସ୍ୱାଇଁ, କ୍ୟାପିଟାଲ ହସ୍ପିଟାଲ୍, ଭୁବନେଶ୍ୱରର ଚିକିତ୍ସାଧିକାରୀ ଡ. ଦେବାଶିଷ ମିଶ୍ର, ଲାୟନ୍ସ କ୍ଲବ୍, ଭୁବନେଶ୍ୱରର ଶ୍ରୀ. ବିଶ୍ୱଦର୍ଶି ଦାସ (ସଭାପତି), ଶ୍ରୀ. ପ୍ରମୋଦ ସ୍ୱାଇଁ (ସଚିବ), ଶ୍ରୀ.ସନ୍ତୋଷ ମହାନ୍ତି (ଖଜାନାପତି), ଶ୍ରୀ. ସେଷଦେବ ସାମଲ (ଜିଲ୍ଲା କ୍ୟାବିନେଟ ସଦସ୍ୟ, ରକ୍ତଦାନ), ଶ୍ରୀ. ମନୋଜ ପାତ୍ର (ସଦସ୍ୟ), ତଥା ସେଞ୍ଚୁରିଅନ ବିଶ୍ବବିଦ୍ୟାଳୟର ଶିକ୍ଷକ ଓ କର୍ମଚାରୀମାନେ, ଛାତ୍ରଛାତ୍ରୀମାନେ, କ୍ୟାପିଟାଲ ହସ୍ପିଟାଲ୍, ଭୁବନେଶ୍ୱରର ଦଳ, ଲାୟନ୍ସ କ୍ଲବ୍, ଭୁବନେଶ୍ୱରର ଦଳ ଓ ଅନ୍ୟାନ୍ୟ ଗଣମାନ୍ୟ ବ୍ୟକ୍ତିମାନଙ୍କର ଉପସ୍ଥିତିରେ ୩୦ତମ ରକ୍ତଦାନ ଶିବିର ଆୟୋଜିତ ହୋଇଥିଲା।

ଏହି ଅଭିଯାନରେ ପ୍ରାୟ ୨୦୦ରୁ ଅଧିକ ଜଣ ଛାତ୍ରଛାତ୍ରୀ, ଶିକ୍ଷକମଣ୍ଡଳୀ ଓ କର୍ମଚାରୀ ମାନେ ରକ୍ତ ଦାନ କରିଥିଲେ। ସେବା ଶିବିରରେ ସେବାଦାନ କରୁଥିବା ସେବକମାନେ ରକ୍ତଦାତାମାନଙ୍କୁ ସାହାଯ୍ୟ କରିଥିଲେ ଓ ମନୋବଳ ଦେଇଥିଲେ। ରକ୍ତଦାନ କରିବା ପରେ ଦାତାମାନଙ୍କୁ ଜୁସ୍, ବିସ୍କୁଟ୍ ଓ ଫଳ ଯୋଗାଇ ଦିଆଯାଇଥିଲା । ରକ୍ତ ଗୁଡ଼ିକୁ ସାବଧାନର ସହ ଏବଂ ସୁରକ୍ଷିତ ଭାବେ ପ୍ରସ୍ତୁତ କରି ରାଜଧାନୀ ହସ୍ପିଟାଲ୍, ଭୁବନେଶ୍ୱରର ବ୍ଲଡ୍ ବ୍ୟାଙ୍କକୁ ପଠାଇ ଦିଆଯାଇଛି। ଏହି ଶିବିର ଛାତ୍ରଛାତ୍ରୀମାନଙ୍କୁ ସାମାଜିକ ଦାୟିତ୍ୱ ସମ୍ପର୍କିତ ଜାଗୃତି ଆଣିଲା ଓ ଏହା ପାଇଁ ସେମାନେ ଉତ୍ସାହିତ ଭାବେ ରକ୍ତଦାନ କରିଥିବା ଛାତ୍ରଛାତ୍ରୀ ମାନେ ମତ ପ୍ରକାଶ କରିଥିଲେ।

ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୪/୧୨/୨୦୨୪----୮,୩୫ Sakhigopal News,14/12/2024