ଅବକାରୀ ବିଭାଗର ଚଢ଼ାଉ, କାର ସହ ବିଦେଶୀ ମଦ ଜବତ, ଜଣେ ଗିରଫ

ଭଞ୍ଜନଗର -- ବେଆଇନ୍ ବିଦେଶୀ ମଦ ଚାଲାଣ ବେଳେ ଭଞ୍ଜନଗର ଓ ବୁଗୁଡ଼ା ଅବକାରୀ ବିଭାଗ ମିଳିତ ଚଢାଉ କରିଥିଲେ । ଶୁକ୍ରବାର ପୂର୍ବାହ୍ନରେ  ଜଗନ୍ନାଥପ୍ରସାଦ ଥାନା ଅଞ୍ଚଳରେ ଥିବା କୂମ୍ପାପଡା ରାସ୍ତାରେ  ବେଆଇନ ଭାବେ ବିଦେଶୀ ମଦ, ଏକ କାରରେ ବେଝେଇ ହୋଇ ଯାଉଥିଲା ।   ଅବକାରୀ ବିଭାଗର କର୍ମଚାରୀ ମାନେ କୌଣସି  ସୁତ୍ରରୁ ଖବର ପାଇ  ଉକ୍ତ ସ୍ଥାନରେ ଛକି ରହିଥିଲେ । ଘଟଣା ସ୍ଥଳରେ  କାର ଟିକୁ ଅଟକାଇ ଯାଞ୍ଚ  କରିବା ପରେ, କାରରୁ  ବିଭିନ୍ନ ବ୍ରାଣ୍ଡ ର ବିଦେଶୀ ମଦ ଥିବାର ଦେଖିବାକୁ ମିଳିଥିଲା । ଘଟଣା ସ୍ଥଳରୁ  ୪୩  ଲିଟର  ବିଦେଶୀ ମଦ ସହ ସଂପୃକ୍ତ କାର ଜବତ କରାଯାଇଛି । ଏହି କାରବାରରେ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ କୁ ଜଗନ୍ନାଥପ୍ରସାଦ କୋର୍ଟକୁ ଚାଲାଣ କରାଯାଇଥିବା ଭଞ୍ଜନଗର ଅବକାରୀ ଅଧିକାରୀ ଡମ୍ବୁରୁଧର ହରିଜନ ସୂଚନା ଦେଇଛନ୍ତି I  ଏହି ଚଢାଉରେ ଭଞ୍ଜନଗର ଅବକାରୀ ଉପ ନିରୀକ୍ଷକ ଅଲିଭା ମାଝି , ରାମେଶ୍ୱର ବେହେରା, ଏଏସଆଇ ଭୁବନୀ ବେହେରା, ମିଞ୍ଜ ଶବର,  ସନାତନ ନାହାକ, କୃଷ୍ଣଚନ୍ଦ୍ର ସେଠୀ,  ଜଗନ୍ନାଥ ମହାପାତ୍ର, ସ୍ବାଧୀନ ସାହୁ, ନିରଞ୍ଜନ ବେହେରା  ଓ ସୁବଳ ପ୍ରଧାନ ପ୍ରମୁଖ ସାମିଲ ହୋଇଥିଲେ । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୭/୯/୨୦୨୪-----୭,୧୦ Sakhigopal News,27/9/2024