ସରକାର କା ମାଲ୍ ଦରିଆ ମେ ଡାଲ୍’ ଉକ୍ତିରେ ପୌର ପ୍ରଶାସନ ; ପରିତ୍ୟକ୍ତ ଅବସ୍ଥାରେ ସହରର ବହୁ ପାର୍କ
ଜଟଣୀ :-ସହରର ସୌନ୍ଦର୍ଯ୍ୟ କରଣ ପାଇଁ ପୌରପାଳିକାକୁ କୋଟିକୋଟି ଟଙ୍କାର ଅନୁଦାନ ରାଜ୍ୟ ସରକାର ଦେଉଛନ୍ତି। ହେଲେ ଦୁର୍ଭାଗ୍ୟର ବିଷୟ "ସରକାର କା ମାଲ୍ ଦରିଆ ମେ ଡାଲ୍ "ଉକ୍ତିରେ ଚାଲିଛି ପୌର ପ୍ରଶାସନ। ଜଟଣୀ ସହରର ବିକାଶ ସହ ସୌନ୍ଦର୍ଯ୍ୟ କରଣ ପାଇଁ ତିଆରି ହୋଇଥିବା ପାର୍କ ଏବେ ପରିତ୍ୟକ୍ତ ଅବସ୍ଥାରେ ପଡ଼ିରହିଛି। କେଉଁଠି ଖେଳ ଉପକରଣ ସହ ଚେୟାର୍ ଭାଙ୍ଗି ଯାଇଛି ତ କେଉଁଠି ଲାଇଟ ଖମ୍ବ ଉପୁଡି ତଳେ ପଡିଛି, କେଉଁଠି ଅନାବନାଗଛ ଉଠି ସରୀସୃପଙ୍କର ବାସସ୍ଥଳୀ ପାଲଟିଛି ।ଜଟଣୀ ସହରର ବିଭିନ୍ନ ୱାର୍ଡରେ ନୂତନ ପାର୍କ ନିର୍ମାଣରେ କୋଟି କୋଟି ଟଙ୍କା ଖର୍ଚ୍ଚ କରାଯାଇଥିବା ବେଳେ ଅଧିକାଂଶ ପାର୍କ ଅନ୍ଧକାର ମଧ୍ୟରେ ଜନଶୂନ୍ୟ ଦେଖିବାକୁ ମିଳିଛି ତ କେଉଁଠି ପାର୍କ ସମ୍ପୂର୍ଣ ନଷ୍ଟ ହୋଇଗଲାଣି l ପାର୍କର ରକ୍ଷଣାବେକ୍ଷଣ ଓ ସୁପରିଚାଳନା ନେଇ ପ୍ରଶାସନ ପକ୍ଷରୁ କୌଣସି ସ୍ଵତନ୍ତ୍ର ଯୋଜନା ହୋଇନଥିବାରୁ କୋଟି କୋଟି ଟଙ୍କା ପାଣିରେ ପାଣିରେ ପଡିବା ଭଳି ମନେହେଉଛି l ସେପଟେ ପାର୍କର ରକ୍ଷଣାବେକ୍ଷଣ ଦିଗରେ ପ୍ରଶାସନର ଏଭଳି ଅବହେଳାକୁ ନେଇ ଉଦ୍ବେଗ ପ୍ରକାଶକରିଛନ୍ତି ଆଇନ ଜୀବୀ ରଶ୍ମି ରଞ୍ଜନ ମହାନ୍ତି ଏବଂ ସମାଜ ସେବୀ ବିଶ୍ୱରଂଜନ ମହାପାତ୍ର l
ସୂଚନାଥାଉକି,ବିକାଶ ନଗର,ଶ୍ରୀହରି ବିହାର,ମହାବୀର କଲୋନୀ, କୁଦିଆରୀ ଭଳି ସହରରେ ଥିବା ବିଭିନ୍ନ ୱାର୍ଡରେ ଉଦ୍ଘାଟିତ ହୋଇଥିବା ନୂଆ ପାର୍କଗୁଡିକ ଏବେ ଶୋଚନୀୟ ହୋଇପଡିଛି l ପାର୍କଗୁଡ଼ିକର ରକ୍ଷଣାବେକ୍ଷଣ ପାଇଁ ସ୍ଥାନୀୟ ଜନସାଧାରଣ ଏବଂ ପ୍ରଶାସନ ଏକଯୁଗ୍ମ କମିଟି ଗଠନ କରିବା ସହ ପ୍ରଶାସନପକ୍ଷରୁ ଏହାର ରକ୍ଷଣାବେକ୍ଷଣ ପାଇଁ କିଛି ସ୍ୱତନ୍ତ୍ର ଅନୁଦାନ ଦେବାର ଆବଶ୍ୟକତା ରହିଛିବୋଲି ମତ ରଖୁଛନ୍ତି ବୁଦ୍ଧିଜୀବୀ । ନଚେତ କେବଳ ପ୍ରକଳ୍ପ ପରେ ପ୍ରକଳ୍ପ ନିର୍ମାଣହେଉଥିବ, କିନ୍ତୁ ଏହାର ସୁଫଳ ଜଟଣୀ ସହରବାସୀ ପାଇପାରିବେ ନାହିଁ ବୋଲିସାଧାରଣରେ ଅଭିଯୋଗ ହୋଇଛି। ଏହାକୁନେଇ ସହରବାସୀଙ୍କ ମଧ୍ୟରେ ଅସନ୍ତୋଷ ପୌରପାଳିକା ପ୍ରତି ବଢ଼ୁଥିବା ବେଳେ କାର୍ଯ୍ୟନିର୍ବାହୀ ଅଧିକାରୀ ଏଦିଗରେ ଅଧିକ ଯତ୍ନବାନ ହେବା ପାଇଁ ବୁଦ୍ଧିଜୀବୀମାନେ ପରାମର୍ଶ ଦେଇଛନ୍ତି।
ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୨୪/୯/୨୦୨୪----୯,୫୫ Sakhigopal News,24/9/2024
