ଭଞ୍ଜନଗର- ଓଡ଼ିଶା ଡ୍ରାଇଭର ମହାସଂଘ ଜଗନ୍ନାଥ ପ୍ରସାଦ ଶାଖା ପକ୍ଷରୁ ସେପ୍ଟେମ୍ବର ୧ ତାରିଖକୁ ଡ୍ରାଇଭର ଦିବସ ଭାବରେ ପାଳନ କରିଛନ୍ତି। ସଂଘ ପକ୍ଷରୁ ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ଗଣ୍ଡାଧର ସ୍ଥିତ ସଂଘ କାର୍ଯ୍ୟାଳୟ ଠାରେ ଧୁମଧାମରେ ଏହାକୁ ପାଳନ କରାଯାଇଛି। ସଂଘର ବ୍ଲକ ସଭାପତି ସୁନିଲ କୁମାର ପ୍ରଧାନଙ୍କ ନେତୃତ୍ବରେ ଆୟୋଜିତ କାର୍ଯ୍ୟକ୍ରମରେ କେକ୍ କାଟିବା ସହ ପରସ୍ପରକୁ ମିଠା ଖୁଆଇ ଡ୍ରାଇଭର ମାନେ ଶୁଭେଚ୍ଛା ଜଣାଇଛନ୍ତି। ଏଥିସହ ସଡକ ସୁରକ୍ଷା ନିମୟକୁ ପାଳନ କରିବା ସହିତ ସଂଘ ବିଭିନ୍ନ କାର୍ଯ୍ୟକ୍ରମ ବିଷୟରେ ଆଲୋଚନା କରାଯାଇଥିଲା। ଏହି ଅବସରରେ ଜିରାବାଡି ଠାରୁ ରାଣୀଭୂମି ଓ ତାମନାଡ ଠାରୁ କନ୍ଧନୂଆଁ ପଲ୍ଲୀ ଗ୍ରାମ ରାସ୍ତା ପାର୍ଶ୍ବରେ ବୃକ୍ଷରୋପଣ କରାଯାଇଥିଲା। ଏହି କାର୍ଯ୍ୟକ୍ରମକୁ ସମ୍ପାଦକ ସୁଦାମ ଜେନା ପରିଚାଳନା କରିଥିବା ବେଳେ ବ୍ଲକ କମିଟି ନେତୃବୃନ୍ଦ ଓ ସଦସ୍ୟମାନେ ସହଯୋଗ କରିଥିଲେ। ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୧/୯/୨୦୨୪----୮,୧୦ Sakhigopal News,1/9/2024
