ଜୀବନ ପାଇଁ ଏଠି ଚାଲିଛି ସଂଘର୍ଷ
ଗୋଟିଏ ପଟେ ଜୀବନ ପାଇଁ ସଂଘର୍ଷ ଓ ଅନ୍ୟପଟେ ପ୍ରଶାସନ ର ଅଣଦେଖା ତାଙ୍କ ମନୋବଳକୁ ଦୁର୍ବଳ କରିଛି । ଫାନିକୁ ବିତିଗଲାଣି ୯ ମାସ କିନ୍ତୁ ଏ ପର୍ଯ୍ୟନ୍ତ କୌଣସି ପଞ୍ଚାୟତ ପ୍ରତିନିଧି ଠାରୁ ଆରମ୍ଭ କରି ରାଜ୍ୟ ପର୍ଯ୍ୟନ୍ତ କୌଣସି ଲୋକକ ପାଦପଡିନଥିବା କହିଛନ୍ତି। ଫନିରେ ତାଙ୍କ ଝାଟିମାଟି ଘର ସଂପୂର୍ଣ ନଷ୍ଟ ହୋଇଥିବା ବେଳେ ଏବେ ସେ ପର ହାତ ଟେକାରେ ପଞ୍ଚାୟତ ର ରାଜୀବ ଗାନ୍ଧୀ ସେବା କେନ୍ଦ୍ର ରେ ରହୁଛନ୍ତି । କୌଣସି ସରକାରୀ ସହାୟତା ତାଙ୍କ ପାଖରେ ପହଞ୍ଚି ନଥିବା ଅଭିଯୋଗ କରିଛନ୍ତି । ଏମିତିକି ସ୍ୱାସ୍ଥ୍ୟ ଚିକିତ୍ସା ପାଇଁ ଅର୍ଥ ସାଜିଛି ବାଧକ। ବାରମ୍ବାର ମାଗି ଜାଚି ମେଡିକାଲ ଯାଇଥିଲେ ମଧ୍ୟ ସରକାରୀ ସ୍ବାସ୍ଥ୍ୟ ବୀମା ତାଙ୍କ ପାଇଁ ସାତ ସପନ। ସରକାରଙ୍କର ବିଭିନ୍ନ ଯୋଜନା କାହାପାଇଁ ବେଲି ପ୍ରଶ୍ନ କରିଛନ୍ତି ପିଡିତ ବାବାଜୀ ସ୍ବାଇଁ ।ଏବଂ କହିଛନ୍ତି ରାଜ୍ୟ ସରକାରଙ୍କ ୫ଟି ଯୋଜନା ଦଳୀୟ ଓ ପଇସା ବାଲା ପରିବାର ପାଇଁ । ଆମ ପରି ଗରିବ ଲୋକମାନଙ୍କ ପାଇଁ ନାହିଁ କହିଛନ୍ତି ।
ଯେଉଁଠି ରାଜ୍ୟ ସରକାର ସମସ୍ତଙ୍କୁ ମୋ ପରିବାର ର ସଦସ୍ୟ କହୁଛନ୍ତି ସେ ପରିବାରର ବିଦୁଲତା ସ୍ବାଇଁ କଣ ଏକ ମେମ୍ବର ନୁହଁନ୍ତି କି? ଆଜିକୁ ୯ମାସହେବ ରାଜିବ ଗାନ୍ଧୀ ସେବା କେନ୍ଦ୍ର ରେ ଅସହାୟ ଅବସ୍ଥାରେ ଥିବା ବିଦୁଲତା ସଂପର୍କରେ ସରକାର ବା ଜିଲ୍ଲା ପ୍ରଶାସନଙ୍କ ପାଖରେ କଣ ସୂଚନା ନାହିଁ? ବାବାଜୀ ସ୍ବାଇଁ ଏକ ଗରୀବ ଦିନ ମଜୁରିଆ ହୋଇଥିବାରୁ ତାର କରୁଣ ଚିତ୍କାର କଣ ସରକାରୀ ବାବୁ ମାନଙ୍କ କାନରେ ବାଜୁନି ? ଚେଇଁ ଶୋଇଥିବା ପ୍ରଶାସନିକ ଅଧିକାରୀଙ୍କ ନିଦ କେବେ ଭାଙ୍ଗିବ ଓ ବିଦୁଲତା ପରିବାର ପ୍ରତି ଆଶା ବାଡି ସାଜିବ ତାହା ଦେଖିବାକୁ ରହିଲା।
ପୁରୀ ରୁ ଜୟନ୍ତ କୁମାର ସେଠୀ
.jpg)
