ବରଗଡ଼---- ସରକାର ସ୍ୱଚ୍ଛତା ପକ୍ଷକୁ ନେଇ କୋଟି କୋଟି ଟଙ୍କା ଖର୍ଚ୍ଚ କରି ଚାଲିଛନ୍ତି । ମାତ୍ର ଏହି କାର୍ଯ୍ୟକ୍ରମ କିପରି ଚାଲିଛି ତାହା ଦେଖିବା ପାଇଁ କେହି ନାହାନ୍ତି । ବରଗଡ଼ ଜିଲ୍ଲା ଅତାବିରା ଏନଏସିରେ ସ୍ୱଚ୍ଛତା ପକ୍ଷ ଭୁଶୁଡି ପଡିଛି କହିଲେ ଅତ୍ୟୁକ୍ତି ହେବ ନାହିଁ । ।ଯାହା ଆମେ କହୁ ନାହୁଁ।ଏନଏସି ଅଞ୍ଚଳର କିଛି ଦୃଶ୍ୟରୁ ଜଣାପଡେ। ସେହିପରି ଏନଏସି ପକ୍ଷରୁ ୱାର୍ଡ ମାନଙ୍କରେ ଗୋଷ୍ଠି ଶୌଚାଳୟ ଓ ସର୍ବ ସାଧାରଣ ଶୌଚାଳୟ ମାନ ତିଆରି କରାଯାଇଛି । ସେଥି ମଧ୍ୟରୁ କେତେ ତିଆରି ହେବା ଦିନ ଠାରୁ ତାଲା ଝୁଲୁଛି ତ ଆଉ କେତେ ସ୍ଥାନରେ ନିମ୍ନ ମାନର କାମ ଯୋଗୁଁ କାନ୍ଥ ଫାଟି ଆଁ କରି ରହିଛି । ଆମେ କହୁଛୁ ସେଇ ଅତାବିରା ଏନଏସିର ୱାର୍ଡ ନଂ ୫ ଭୋଇପୁରା ଗାଁର କଥା। ଯୋଉ ଶୌଚାଳୟ ଅତି ନିମ୍ନମାନର ତିଆରି ହେବା ସହ ଲାଗିଥିବା ମେଟେରିଏଲସ ଗୁଡିକ ମଧ୍ୟ ନିମ୍ନମାନର।ଯାହା ବ୍ୟବହାର ନ ହେଉଣୁ ଭାଙ୍ଗି ଗଲାଣି । ସାଢ଼େ ଚାରିଲକ୍ଷ ଟଙ୍କା ଅନୁଦାନ ଖର୍ଚ୍ଚ ହୋଇ ତିଆରି ହୋଇଥିବା ଲାଗିଥିବା ଫଳକରୁ ଜଣାପଡ଼େ। ହେଲେ ଏହା ଠିକାଦାର ଓ ବିଭାଗୀୟ ଅଧିକାରୀଙ୍କ ମଧୁଚନ୍ଦ୍ରିକାରେ ତିଆରି କରି ଅର୍ଥ ହରି ଲୁଟ ହୋଇଥିବାର ଅଭିଯୋଗ ହୁଏ । ତାହା ପୁଣି ଅନବିଜ୍ଞ ଠିକାଦାର କୁ ଅନବିଜ୍ଞ କର୍ମଚାରୀ।କାମ ଚଳାରେ ଚାଲିଛି ଅତାବିରା ଏନଏସି । ଅନ୍ୟ ପକ୍ଷେ ସଫେଇ ଦିଓଲି ହେଉଥିବାର କୁହନ୍ତି ଅଧିକାରୀ ହେଲେ ଏଇ ଦୃଶ୍ୟରୁ ଜଣା ପଡେ କେତେ ଓ କୋଉ ଭଳିଆ ହେଉଛି ସଫେଇ। ସେହିପରି ଅତାବିରା ବସଷ୍ଟାଣ୍ଡ ୱାର୍ଡ ନଂ-୨ ଓ ୱାର୍ଡ ନଂ-୪ର ଶୌଚାଳୟ ତିଆରି ହୋଇଥିବା ଅଞ୍ଚଳରେ ବେଶ ଚର୍ଚ୍ଚାର ବିଷୟ ହୋଇପଡିଛି। ତେବେ ଶୌଚାଳୟ ଗୁଡିକ କାହା ସ୍ୱାର୍ଥରେ ଓ ଏଥିରେ କିଏ କିଏ ସାମିଲ ଅଛନ୍ତି ଭିଜିଲାନ୍ସ ତଦନ୍ତ କରିବାକୁ ଦାବି ହେଉଛି । ଜିଲ୍ଲା ପ୍ରଶାସନ ଦୃଷ୍ଟି ଦେଇ ଏଥିରେ ସଂପୃକ୍ତ ଥିବା ଅସାଧୁ ବ୍ୟକ୍ତି ବିଶେଷ ମାନଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ନୂତନ ଶୌଚାଳୟ କରିବା ପାଇଁ ଜନସାଧାରଣଙ୍କ ପକ୍ଷରୁ ଦାବି ହେଉଛି।
ବରଗଡ଼ରୁ ନବୀନ ଦାଶଙ୍କ ରିପୋର୍ଟ
.jpg)
