ବିପଦକୁ ଡାକୁଛି ବିଦ୍ୟୁତ ଖୁଣ୍ଟ

ବେଗୁନିଆ----ଖୋର୍ଦ୍ଧା –ବଲାଙ୍ଗୀର ୫୭ ନମ୍ବର  ଜାତୀୟ ରାଜପଥର ବେଗୁନିଆ ବଜାର ଉପରେ ଏକ ବିଦ୍ୟୁତ ଖୁଣ୍ଟ  ବିପଦପୂର୍ଣ୍ଣ ଅବସ୍ଥାରେ ରହିଛି । ସୂଚନା ଯୋଗ୍ୟ ଯେ ରାଜପଥର ପ୍ରସସ୍ତୀକରଣ   ଡ୍ରେନ ନିର୍ମାଣ କରାଯାଇଥିବା ବେଳେ ଉଭୟ ପାଶ୍ୱର୍କୁ ଖୋଳାଯାଇ ଥିଲା । ପରେ ତାକୁ ମୋରମ ଦ୍ୱାରା ପୂର୍ଣ୍ଣ କରାଯାଇ ପୋତି ଦିଆ ଯାଇଥିଲା । ଲଘୁଚାପ ବର୍ଷାରେ ମୋରମ  ଦବିଯିବା ଫଳରେ  ଏକ ଗର୍ତ ସୃଷ୍ଟି ହେବା ସହ  ବିଦ୍ୟୁତ ଖୁଣ୍ଟର  ଉଭୟ ପାଶ୍ୱର୍ରେ ଥିବା ମାଟି ଦବିଯାଇ  ସମ୍ପୂର୍ଣ୍ଣ ପଦାକୁ ବାହାରି ପଡିଛି । ଫଳରେ ଏହି ରାଜପଥ ଦେଇ ପ୍ରତିଦିନ  ବହୁ ଭାରୀଯାନ,ଲଘୁଯାନ,ଯାତ୍ରୀବାହୀ ବସ ଓ ପଥଚାରୀ ମାନେ ଯାତାୟତ କରିଥାନ୍ତି । ଏ ସମ୍ପର୍କରେ ସ୍ଥାନୀୟ ଯୁବକ ମାନେ ବିଭାଗୀୟ ଅଧିକାରୀ ମାନଙ୍କୁ ଜଣାଇଥିଲେ ମଧ୍ୟ ସେମାନେ  ଜାଣି ନ ଜାଣିଲା ପରି ରହୁଛନ୍ତି ।  ଏହି ବିଦ୍ୟୁତ ଖୁଣ୍ଟଟି  କେତେବେଳେ ଯେ  ବଡ ଅଘଟଣ  ଘଟାଇବ  ତା କହି ହେଉ ନାହିଁ   । ଯଥାଶିଘ୍ର  ଏହାର ପ୍ରତିକାର କରାଗଲେ ବଡ ଅଘଟଣକୁ ରୋକା ଯାଇପାରିବ ବୋଲି ସାଧାରଣରେ ଆଲୋଚନା ହେଉଛି । 

ବେଗୁନିଆରୁ ଯୋଗୋଶ୍ବର ପଣ୍ଡା