ଦଶ ହଜାର ଘରକୁ ପାଇପି ମାଧ୍ୟମରେ ପାନୀୟ ଜଳ ଯୋଗାଣ କାର୍ଯ୍ୟର ଶୁଭାରମ୍ଭ

ସାକ୍ଷୀଗୋପାଳ -------  ସତ୍ୟବାଦୀ ବ୍ଳକରେ ୧୦ ହଜାର ପରିବାରଙ୍କୁ ପାଇପି ମାଧ୍ୟମରେ ସ୍ୱଚ୍ଛ ପାନୀୟ ଜଳ ଯୋଗାଣ ପାଇଁ ପାଇପି ବିଛା କାର୍ଯ୍ୟର ଶୁଭାରମ୍ଭ  ହୋଇଯାଇଛି ।  ସ୍ଥାନୀୟ ବିଧାୟକ ଉମାକାନ୍ତ ସମାନ୍ତରାଙ୍କ ବହୁ ଦିନର ଉଦ୍ଦ୍ୟମ ସଫଳ ହୋଇଛି । ମହାମାରୀ କରୋନା ଯୋଗୁ କୌଣସି ରାଜନୈତିକ ନେତା ବା ଅଧିକାରୀ ମାନଙ୍କୁ ନଡାକି ଏହି କାର୍ଯ୍ୟ ଉକ୍ତ ଠିକା ସଂସ୍ଥା ଆରମ୍ଭ କରିଛି । ଗୁରୁ ପୂର୍ଣ୍ଣମୀ ଅବସରରେ ଗୋପବନ୍ଧୁଙ୍କ ଜନ୍ମପୀଠ ସୁଆଣ୍ଡୋ ଗ୍ରାମରୁ ପାଇପି ବିଛା କାର୍ଯ୍ୟର  ଶୁଭାରମ୍ଭ କରାଯାଇଛି । ସୁଚନା ଯୋଗ୍ୟ ଯେ ପୁରୀ ଜିଲ୍ଲା ସତ୍ୟବାଦୀ ବ୍ଳକର ବିଭୁତିବାଟିକା ପରିସରରେ ମେଗା ପାନୀୟ ଜଳ ପ୍ରକଳ୍ପ କାର୍ଯ୍ୟ ଜାରି ରହିଛି । ଏହି ପରିପେକ୍ଷୀରେ ପାନୀୟ ଜଳ ଯୋଗାଣ ବିଭାଗ ପକ୍ଷରୁ ୧୦ ହଜାର ପରିବାରଙ୍କ ଘର ଆଗରେ ପାନୀୟ ଜଳ ଯୋଗାଇ ଦେବାର ବ୍ୟବସ୍ଥା କରାଯାଇଛି । ଏହି କାମକୁ ଏଲଆଣ୍ଡଟି କମ୍ପାନୀ ନେଇଥିବାର ଜଣାପଡିଛି ।  କମ୍ପାନୀର ତତ୍ୱାବଧାରକ ଇଂ ଭି . କାର୍ତ୍ତିିକ, ଫିଲଡ ସୁପରଭାଇଜର ନିରଞ୍ଜନ ବାରିକ, ଓ ପିଏଚଡି ମିସ୍ତ୍ରୀ ଲକ୍ଷ୍ମୀଧର ପରିଡା ଏବଂ ଶ୍ରମିକ ମାନେ ଏହି କାର୍ଯ୍ୟ ଆରମ୍ଭ କରିଛନ୍ତି । ଏବେ ପ୍ରତି ଦୁଆର ମୁହଁରେ ପାନୀୟ ଜଳ ଯୋଗଇ ଦିଆଗଲେ ଯାହାକୁ ନେଇ ଗ୍ରାମବାସୀ ମାନେ ବହୁତ ଖୁସି ଥିବାର ଜଣାପଡିଛି । ଆଗରୁ ଯେଉଁ ପାନୀୟ ଜଳ ପାଇଁ ଦୀର୍ଘ ସମୟ ଧରି ଅପେକ୍ଷା କରିବାକୁ ପଡୁଥିଲା ଏହି ଯୋଜନା ସଠିକ କାର୍ଯ୍ୟ କଲେ ପାନୀୟ ଜଳରୁ ଲୋକମାନେ ମୁକ୍ତି ପାଇବେ ବୋଲି ଗ୍ରାମବାସୀ ମାନେ କହନ୍ତି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି