ନବଜାତ ଶିଶୁ କନ୍ୟା ବୁଦା ମୂଳରୁ ଉଦ୍ଧାର
ଡେଲାଙ୍ଗ ----- ଡେଲାଙ୍ଗ ଥାନା ଅନ୍ତର୍ଗତ ଜେନାପୁର ରେଳ ଷ୍ଟେସନ ରାସ୍ତା ତଥା ଶ୍ରୀପତିପୁର ଗ୍ରାମ ରାସ୍ତା କରରେ ଏକ ବୁଦା ମୂଳରେ ନବଜାତ ଶିଶୁ କନାରେ ଗୁଡା ହୋଇ ଥୁଆ ହୋଇଥିଲା । ମାତ୍ର ସେହି ରାସ୍ତାରେ ଲୋକମାନେ ଯିବା ଆସିବା କରିବା ସମୟରେ ହଠାତ ନବ ଜାତ ଶିଶୁ କନ୍ୟାଟି କାନ୍ଦିି ଉଠିଥିଲା । ପିଲାର କାନ୍ଦ ଶୁଣି ଲୋକମାନେ ସେଠାକୁ ଯାଇ ଦେଖିଥଲେ । ଏହି ଖବର ପ୍ରସାରିତ ହେବା ପରେ ସେଠାରେ ଲୋକମାନଙ୍କର ଗହଳି ଲାଗିଥିଲା । କିଛି ଯୁବକ ତୁରନ୍ତ ପୁରୀ ଜିଲ୍ଲା ଶିଶୁ ସୁରକ୍ଷା ଅଧିକାରୀ ମନୋଜ କୁମାର ତ୍ରିପାଠୀଙ୍କ ସହିତ ଯୋଗାଯୋଗ କରିଥିଲେ । ଏବଂ ତାଙ୍କ କଥା ଅନୁସାରେ ପିଲାଟିର ସୁରକ୍ଷା ପାଇଁ ସେଠାରୁ ଉଠାଇ ଆଣିଥିଲେ । କିଛି ସମୟ ପରେ ଚାଇଲିଡ ଆଇନ ନିର୍ଦ୍ଦେଶକ ଦେବାଶିଷ ରଥ ଓ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀ ତ୍ରିପାଠୀ ଓ ଡେଲାଙ୍ଗ ଥାନା ଘଟଣା ସ୍ଥଳରେ ପହଞ୍ଚ ନବଜାତ କନ୍ୟା ଶିଶୁ ଟିକୁ ରଖିଥବା ଲୋକ ଠାରୁ ଗ୍ରହଣ କରିଥିଲେ । । ଶିଶୁଟିର ଚିକିତ୍ସା ପାଇଁ ପୁରୀ ଜିଲ୍ଲା ଶିଶୁ ବିଭାଗ ୱାର୍ଡରେ ଭର୍ତ୍ତି କରାଯାଇଛି । ପିଲାଟିର ସ୍ୱାସ୍ଥ୍ୟ ଅବସ୍ଥା ଭଲ ଥିବାର ଜିଲ୍ଲା ସୁରକ୍ଷା ଅଧିକାରୀ ଶ୍ରୀ ତ୍ରିପାଠୀଙ୍କ ଠାରୁ ସୁଚନା ମିଳିଛି । ଡେଲାଙ୍ଗରୁ ଧୀରେନ୍ଦ୍ର ସେନାପତି
