ଯୁବକଙ୍କ ବାଇକ୍ ରେ ଲିଫ୍ଟ ମାଗି ଯାଉଥିବା ବେଳେ , ଦୁର୍ଘଟଣା ରେ ଯୁବତୀ ମୃତ

ଭଞ୍ଜନଗର –  ଜଣେ ଯୁବକଙ୍କ ବାଇକ୍ ରେ ଲିଫ୍ଟ ମାଗି ଆସୁଥିବା ବେଳେ, ରାସ୍ତାରେ ଦୁର୍ଘଟଣା ଘଟି ଯୁବତୀଙ୍କ ମୃତ୍ୟୁ ଘଟିଛି । ଭଂଜନଗର ଥାନା ଅନ୍ତର୍ଗତ ବେଡିଗୋବା ଗାଁ ନିକଟରେ ଘଟିଛ ଏଭଳି ଦୁର୍ଘଟଣା । ଗୁରୁତର ଅବସ୍ଥାରେ ଉଭୟ ଯୁବକ ଓ ଯୁବତୀଙ୍କୁ ଉଧାର କରି ଭଂଜନଗର ମେଡିକାଲରେ ଭର୍ତ୍ତି କରାଯାଇଥିଲା । ତେବେ ଆହତ ଯୁବତୀକୁ ମୃତ ଘୋଷଣା କରିଥିଲେ ଡାକ୍ତର । ଯୁବତୀ ଜଣକ କନ୍ଧମାଳ ଅଞ୍ଚଳର ସୁନିତା ପ୍ରଧାନ ବୋଲି ଜଣାପଡିଛି । ଆହତ ବାଇକ୍ ଚାଳକ ଯୁବକକୁ ପ୍ରାଥମିକ ଚିକତ୍ସା ପରେ ଥାନାରେ ଅଟକ ରଖି ପଚରାଉଚରା କରୁଛି  ଭଂଜନଗର ପୋଲିସ । ଆହତ ହୋଇଥିବା ଯୁବକ ଜଣକ ସାରଙ୍ଗଡ ଅଞ୍ଚଳର ବିକ୍ରମ ବେହେରା । ପୋଲିସକୁ ଦେଇଥିବା ବୟାନ ପ୍ରକାରେ ଯୁବକ ଜଣକ ଫୁଲବାଣୀ ରୁ ବାଇକ୍ ଯୋଗେ  ଆସିକା ଅଭିମୁଖେ ଯାଉଥିଲା । କନ୍ଧମାଳ ଜିଲ୍ଲା କଳିଙ୍ଗା ନିକଟରେ ରାସ୍ତାରେ ଅପେକ୍ଷା କରିଥିବା ଯୁବତୀ ଜଣକ , ଲିଫ୍ଟ୍ ମାଗି ବାଇକ୍ ରେ ବସିଥିଲେ । ତେବେ ଭଂଜନଗର ଥାନା ଅନ୍ତର୍ଗତ ବେଡିଗୋବା ଗାଁ ନିକଟରେ , ବିପରୀତ ଦିଗରୁ ଆସୁଥିବା ଏକ ବାଇକ୍ ସହ ମୁହାଁମୁହିଁ ଧକ୍କା ହେବାରୁ , ଏଭଳି ଦୁର୍ଘଟଣା ଘଟିଥିଲା ବୋଲି ଜଣାପଡ଼ିଛି। ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୭/୨/୨୦୨୪-----୯,୪୫ Sakhigopal News,27/2/2024