ଜାଗା ପାଇଁ ଛଅ ବର୍ଷ ହେଲା କରୁଛନ୍ତି ଆବେଦନ, ସରକାରଙ୍କ ଜାଗା ମିଶନ ଓ ବସୁନ୍ଧରା ଯୋଜନା ଗଲା କୁଆଡେ଼

ନୟାଗଡ--- ଭୁମିହୀନଙ୍କୁ ଥଇଥାନ ପାଇଁ ସରକାର ଗ୍ରାମାଞ୍ଚଳରେ ବସୁନ୍ଧରା ଯୋଜନା ଠାରୁ ଆରମ୍ଭ କରି ସହରାଞ୍ଚଳରେ ଜାଗା ମିସନ ମାଧ୍ୟମରେ ଜାଗା ଯୋଗାଇ ଦେବାର ବ୍ୟବସ୍ଥା କରିଛନ୍ତି।ମାତ୍ର ଦଶପଲ୍ଲା ଏନସି ଅଧିନସ୍ତ ସ୍ଥାନୀୟ ବାରପୁରିକିଆ ଗ୍ରାମରେ ଭାଡ଼ାଘର ନେଇ ରହୁଥିବା ଜଣେ ବରିଷ୍ଠ ନାଗରିକ ତଥା ସାମ୍ବାଦିକ ଦୀର୍ଘ ୬ ବର୍ଷ ହେଲା ତହସିଲଦାରଙ୍କ ଠାରୁ ଆରମ୍ଭ କରି ଏନଏସି କାର୍ଯ୍ୟାଳୟ, ଜିଲ୍ଲାପାଳ, ମୁଖ୍ୟ ଶାସନ ସଚିବ, ଫାଇଭ୍ ଟି ସଚିବ ଏବଂ ମୁଖ୍ୟମନ୍ତ୍ରୀ ଦସ୍ତରରେ ଖଣ୍ଡିଏ ଯାଗା ପାଇବା ପାଇଁ ଛଅ ବର୍ଷ ହୋଇଗଲା ଦରଖାସ୍ତ କରି ଚାଲିଛନ୍ତି । ଏବେ 'ମୁଁ ଆଉ କାହା ପାଖରେ ଅଭିଯୋଗ କରିବି ' ବୋଲି ପ୍ରଶ୍ନ ଉଠାଇଛନ୍ତି। ସୂଚନା ଯୋଗ୍ୟ, ବାରପୂରିକିଆ ଗ୍ରାମରେ ଦୀର୍ଘ ବର୍ଷ ଧରି ରହି ଆସୁଛନ୍ତି ବରିଷ୍ଟ ସାମ୍ବାଦିକ ଡ. ପ୍ରଫୁଲ୍ଲ କୁମାର ଦାସ। ସ୍ଵଳ୍ପ ଆୟ ମଧ୍ୟରେ ଘରଭଡ଼ା ସାଙ୍ଗକୁ ଚଳିବା କଷ୍ଟକର ହୋଇପଡୁଛି।ଏସବୁ ମଧ୍ୟରେ ସ୍ଥାୟୀ ଭାବେ ଘର ଖଣ୍ଡେ କରି ରହିବା ପାଇଁ ବସୁନ୍ଧରା କିମ୍ବା ଜାଗା ମିଶନ ଯୋଜନାରେ ଜାଗା ଖଣ୍ଡେ ଯୋଗାଇ ଦେବାକୁ ୨୦୧୮ ମସିହାରୁ ବିଭିନ୍ନ ବିଭାଗକୁ ଆବେଦନ କରୁଛନ୍ତି। ଜିଲ୍ଲାପାଳ ଙ୍କ ସମେତ ବିଧାୟକ , ଏନଏସି ନିର୍ବାହୀ ଅଧିକାରୀ, ମୁଖ୍ୟ ଶାସନ ସଚିବ, ଫାଇଭ ଟି ସଚିବ ଏବଂ ମୁଖ୍ୟମନ୍ତ୍ରୀ ଦସ୍ତର ପର୍ଯ୍ୟନ୍ତ ସମସ୍ତ ଅଧିକାରୀଙ୍କୁ ଆବେଦନ କରିସାରିଲେଣି। ଏପରିକି ସ୍ଥାନୀୟ ଅଧିକାରୀଙ୍କୁ ମଧ୍ୟ ଭେଟି ଅନୁରୋଧ କରୁଛନ୍ତି। ଏସବୁ ଆବେଦନ ପରେ ଜିଲ୍ଲାପାଳ ଙ୍କ ପତ୍ର ସଂଖ୍ୟା ୨୨୨୮ ଅନୁଯାୟୀ ଗତ ୨୦୧୮ ଅକ୍ଟୋବର ୩ ତାରିଖ ଦିନ ତହସିଲଦାର ଏବଂ ମୁଖ୍ୟମନ୍ତ୍ରୀ ଦସ୍ତରର ପତ୍ର ସଂଖ୍ୟା ୧୧୮୭୫ ଅନୁଯାୟୀ ୨୦୨୦ ମାର୍ଚ୍ଚ ୧୨ ତାରିଖ ଦିନ ଜିଲ୍ଲାପାଳ ଙ୍କ କାର୍ଯ୍ୟାଳୟ ତୁରନ୍ତ ଏହାର ସମାଧାନ କରିବା ସହ କଣ ହୋଇଛି ଜଣାଇବା ପାଇଁ ନିର୍ଦ୍ଦେଶନାମା ଜାରୀ କରିଥିଲେ। ହେଲେ ଏସବୁ ସତ୍ତ୍ୱେ ଜାଗା ଖଣ୍ଡେ ପାଇ ପାରିଲେ ନାହିଁ ।  ଆଉ କିଏ ବାକି ରହିଲା ଯେ ମୁଁ ଆଭିଯୋଗ କରିବି ଓ ମୋ କଥା କିଏ ଶୁଣିବେ ବୋଲି ଶ୍ରୀ ଦାଶ ପ୍ରଶ୍ନ କରିଛନ୍ତି । ନୟାଗଡ଼ ରୁ ନିରଞ୍ଜନ ଦାସଙ୍କ ରିପୋର୍ଟ,୩୦/୬/୨୦୨୩----୧୦,୨୦ Sakhigopal News,30/6/2023