ହରିସହଦେବ ବା ହରିଆବୁଢା ମେଳଣ ଅନୁଷ୍ଠିତ

 

 

   ସାକ୍ଷୀଗୋପାଳ---  ଗୋମାତାଙ୍କ ଦେବତା ଭାବେ ହରିସହଦେବ ବା ହରିଆବୁଢା ଠାକୁର  ପୁରୀ ଜିଲ୍ଲାରେ ବେଶ ଜଣାଶୁଣା। ଏପରିକି ଗୋମାତାଙ୍କ ଦେହ ଖରାପ ବା ଗାଈ ଜନ୍ମ କରିବା ପରେ ଲୋକମାନେ ଏହି ଠାକୁର ଙ୍କ ପାଖରେ ଦୁଧକୁସୁମ ଭୋଗ ଲଗାଇଥାନ୍ତି ।  ସତ୍ଯବାଦୀ ଥାନା ଅନ୍ତର୍ଗତ ବଳପୁରରେ ହରିଆବୁଢା ମେଳଣ ଆରମ୍ଭ ହୋଇଛି  । ଠାକୁରଙ୍କ ପ୍ରୀୟଭୋଗ ଦୁଧ କୁସୁମା ମହକରେ ମହକିଲା  ମନ୍ଦିର ବେଢା ପରିସର ସହିତ ଚତୁର୍ଦ୍ଦିଗ।  ଚୈତ୍ର ମାସ ସପ୍ତମୀ ମ୍ରୁଗଶିରା ନକ୍ଷତ୍ର ଦିନ ହରିସହଦେବ ତଥା ହରିଆବୁଡାଙ୍କ ମେଳଣ ଅନୁଷ୍ଠିତ ହୋଇଥାଏ  । ପ୍ରଥମେ ବଳପୁର ପଣ୍ଡା ସାହିର ଭଗବତ ମେଳଣ ର ଥାନାପତି   ବାସୁଦେବ ସୁସଜ୍ଜିତ ବିମାନରେ ଠାକୁର ବିଜେ କରି ଘଣ୍ଟ, କାହାଳୀ, ଛତି, ତ୍ରାସ, ମଶାଲ ଓ ବାଜାବାଜି ସଲଟନରେ ମେଳଣ ପଡିଆକୁ ବିଜେ କରି ଥାନ୍ତି ଭାବେ ପ୍ରଥମେ ଖୁଣ୍ଟି ଲାଗି ହୋଇଥିଲେ  । ଏହାପରେ ଆନନ୍ଦ ପୁର, କୁସୁମେଶ୍ୱର, ମହାରଣା ସାହି, ଦିହୁଡ଼ି ସାହି ଓ ସାରଙ୍ଗ ଯୋଡିର ଭାଗବତ ବାସୁଦେବ ଙ୍କ ବିମାନ ମେଳଣ ପଡିଆରେ ପହଞ୍ଚିବା ବେଳେ ଫୁଲ ତୁଳସୀ ଫଗୁ ଆଦି ସହିତ ବରଣ କରାଯିବା ପରେ ଦୋଳ ବିମାନ ଗୁଡିକ  ଖୁଣ୍ଟି ଲାଗି ହୋଇଥିଲେ  । ବଳପୁର ଦେଶ କମିଟି ପକ୍ଷରୁ ଠାକୁର ମାନଙ୍କୁ ଆଟିକାରେ ଖଇ କୋରା କଦଳୀ ଆଦି ଭୋଗ ସାମଗ୍ରୀ ଦିଆଯାଇ ଥିଲା  । ରାତିରେ ଅପେରା ନାଚ, ସଂକିର୍ତ୍ତନ ଆଦି କରାଯାଇଥିଲା  । ମେଳଣ ପଡିଆରେ ବିଭିନ୍ନ ପ୍ରକାର ଦୋକାନ ବସିଥିଲା। ସନ୍ଧ୍ଯାରେ ପ୍ରବଳ ଜନସମାଗମ ହୋଇଥିଲା  । ବିଳମ୍ବିତ ରାତିରେ ଆତସବାଜି ପ୍ରଦର୍ଶନ କରାଯାଇଥିଲା  । ଦେଶ କମିଟି ସଭାପତି ଜଟାଧାରୀ ପ୍ରଧାନ ଓ ମେମ୍ବର ମାନଙ୍କ ସହଯୋଗରେ  ଶାନ୍ତି ଶ୍ରୁଙ୍ଖଳାରେ ମେଳଣ ଅନୁଷ୍ଠିତ ହୋଇଥିଲା  ।

ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୨୮/୩/୨୦୨୩---୯,୧୦ Sakhigopal News,28/3/2023