ପୋଖରୀରୁ ହରିଣ ଛୁଆ ଉଦ୍ଧାର କଲେ ଗ୍ରାମବାସୀ

 

     ସାକ୍ଷୀଗୋପାଳ ----- ପାଣି ଓ ଖାଦ୍ୟ ଅନ୍ୱେଷଣରେ ଏବେ ହରିଣ ଗ୍ରାମ ଅଭିମୁଖେ । ସତ୍ଯବାଦୀ ଥାନା ଅନ୍ତର୍ଗତ ଚକ୍ରପଡା ଗ୍ରାମର ପଦ୍ମ ପୋଖରୀରେ ପଡିଯାଇଥିବା ହରିଣ ଛୁଆ କୁ ଗ୍ରାମବାସୀ ମାନେ ଉଦ୍ଧାର କରିଛନ୍ତି  । ଏ ସଂପର୍କରେ ଖବର ପାଇ ପୁରୀ ଜିଲା ସ୍କୁଲର ଅବସରପ୍ରାପ୍ତ ପ୍ରଧାନ ଶିକ୍ଷକ ବିଜୟ କୁମାର ଦାସ  ପୁରୀ ବନ୍ଯପ୍ରାଣୀ ଅଫିସକୁ ଟେଲିଫୋନ କରି ଜଣାଇ ଥିଲେ  । ଗ୍ରାମର ଦୁର୍ଯ୍ୟୋଧନ ବେଜ,  ପ୍ରକାଶ ସାହୁ, ରୋଷନ ଜେନା,ଅରୁଣ ବେଜ, କୁଳମଣି ସାହୁ,ସଞ୍ଜୟ ବର ଓ ଭାଗୀରଥି ଜେନା  ପୋଖରୀରେ ପଶି ଚାରିପଟୁ ଜଗି ହରିଣ ଛୁଆ କୁ ଉଦ୍ଧାର କରିଥିଲେ  ।  ଖବରପାଇ ସହକାରୀ ବନ୍ଯ ପ୍ରାଣୀ ସଂରକ୍ଷକ ଉତ୍ତମ କୁମାର ଗଡନାୟକ ପଟ୍ଟନାୟିକିଆ ବନବିଭାଗ କୁ ଜଣାଇ ଥିଲେ  । ବନରକ୍ଷୀ ଗୀତାଞ୍ଜଳି ବେହେରା ଗ୍ରାମରେ ପହଞ୍ଚି ହରିଣ ଟିକୁ  ପୁରୀ ପଠାଇ ଥିଲେ  ।  ଅକ୍ଷତ ଅବସ୍ଥାରେ ହରିଣ ଛୁଆଟିକୁ  ଉଦ୍ଧାର କରାଯାଇ ପାରିଛି । ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୨୭/୩/୨୦୨୩---୯,୧୦ Sakhigopal News,27/3/2023