ନୟାଗଡ଼---- : ଓଡ଼ଗାଁ ପଞ୍ଚାୟତ ସମିତି ଅଧୀନ ୨ ନଂ ଜୋନ ଜିଲ୍ଲା ପରିଷଦ ସଭ୍ୟା ବିରଜାଲକ୍ଷ୍ମୀ ସାହୁ ଆଜି ଶରଧାପୁର ପଞ୍ଚାୟତର ମଦନଗାଡ଼ିଆ,ଲେଙ୍କା ସାହି,ଆମ୍ବେରାପୁର,ବ୍ରାହ୍ମଣଡ଼ିହି ଓ ଶରଧାପୁର ଗ୍ରାମ ଗସ୍ତ କରି ଲୋକସମ୍ପର୍କ ସ୍ଥାପନ କରିଛନ୍ତି। ଘରକୁ ଘର ବୁଲି ଲୋକଙ୍କୁ ଦେଖା କରିବା ସହିତ ସ୍ଥାନୀୟ ଅଞ୍ଚଳର ସମସ୍ୟା ବିଷୟରେ ପଚାରି ବୁଝିଛନ୍ତି।ସାମାଜିକ ସୁରକ୍ଷା ଭତ୍ତା ଠାରୁ ଆବାସ ଯୋଜନା,ରାସନ କାର୍ଡରୁ ବଞ୍ଚିତଥିବା ଯୋଗ୍ୟ ହିତାଧିକାରୀଙ୍କ ତାଲିକା ପ୍ରସ୍ତୁତ କରିଥିଲେ।ଉପରିସ୍ଥ ଅଧିକାରୀଙ୍କ ସହ ଆଲୋଚନା କରି ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଥିଲେ। ପାନୀୟଜଳ ସଙ୍କଟକୁ ନେଇ ମଦନଗାଡ଼ିଆ ସ୍କୁଲ ନିକଟରେ ନଳକୂପ ଖନନ ନିମନ୍ତେ ଗ୍ରାମବାସୀଙ୍କ ଦାବିକୁ ଗୁରୁତର ଭାବେ ନେଇ ନୂତନ ନଳକୂପ ଖନନ ହେବ ବୋଲି କହିଥିଲେ।ମିଶନ ଶକ୍ତିର ମହିଳାଙ୍କ ସହ ଆଲୋଚନା କରିବା ସହ କ୍ଷୁଦ୍ର ଉଦ୍ୟୋଗ ସ୍ଥାପନ କରି ସ୍ୱାବଲମ୍ବନଶୀଳ ହେବାକୁ ପରାମର୍ଶ ଦେଇଥିଲେ। ଲେଙ୍କା ସାହିର ମିଶନ ଶକ୍ତିର ଜଣେ ମହିଳା ପାମ୍ପଡ଼ ତିଆରି କରି ନିଜେ ଆତ୍ମନିର୍ଭରଶୀଳ ହେବା ଶୁଣି ଖୁସି ହେବା ସହ ପ୍ରଶଂସା କରିଥିଲେ।ମଦନଗାଡିଆରେ ମୃତକଙ୍କ ପରିବାରବର୍ଗଙ୍କୁ ଭେଟି ଶୋକସନ୍ତପ୍ତ ପରିବାରକୁ ସମବେଦନା ଜଣାଇଥିଲେ।ଏହି ଗସ୍ତ ସମୟରେ ସରପଞ୍ଚ ଚାନ୍ଦିନୀ ରାଉତ, ସମିତି ସଭ୍ୟା ମିନତୀ ପ୍ରଧାନ,ପୂର୍ବତନ ଜିଲ୍ଲା ପରିଷଦ ସଭ୍ୟ ବିଭୁପ୍ରସାଦ ସାହୁ,ଯୁବ ସଂଗଠକ ସମୀର ରାଉତ ସାମିଲ ଥିଲେ।
ନୟାଗଡ଼ ରୁ ନିରଞ୍ଜନ ଦାସଙ୍କ ରିପୋର୍ଟ,୨୫/୩/୨୦୨୩---୯,୧୦ Sakhigopal News,25/3/2023
