ଭଞ୍ଜନଗର -- ତାରସିଂ ଥାନା ଅନ୍ତର୍ଗତ କ୍ଷେତମୁଣ୍ଡାଳି ଗ୍ରାମକୁ ବେଆଇନ ଭାବେ ମାଙ୍କଡ ପଥର ବୋଝେଇ କରି ଆସୁଥିବା ବେଳେ ତାରାସିଂ ଥାନା ପୋଲିସ ଚଢ଼ାଉ କରିଛି। ଟ୍ରକ ସହ ଚାଳକ କବିରାଜ ରାଉତକୁ ଗିରଫ କରିଛି ପୋଲିସ । ତାରସିଂ ଥାନା କେସନଂ ୩୫୧/୨୨ରେ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ନେଇ ଥାନାଧିକାରୀ ପ୍ରଦିପ୍ତ କୁମାର ଦାଶ ସୂଚନା ଦେଇଛନ୍ତି । ଗଞ୍ଜାମ ଜିଲ୍ଲାକୁ ପ୍ରତ୍ୟେକ ଦିନ ନୟାଗଡ଼ ଜିଲ୍ଲାରୁ ବେଆଇନ ଭାବେ ମାଙ୍କଡ ପଥର ଚାଲାଣ ହୋଇ ଆସୁଛି । ଏ କ୍ଷେତ୍ରରେ ଉଭୟ ଜିଲ୍ଲାର ରାଜସ୍ବ ବିଭାଗ ସବୁ ଦେଖି ମଧ୍ୟ ନିରବଦ୍ରଷ୍ଟା ସାଜିଥିବା କୁହାଯାଉଛି । ଏମିତି କି ବିଭାଗୀୟ ଜାଣତରେ ଏସବୁ ଚାଲିଥିବା ଜାଣିବାକୁ ମିଳିଛି । ତାରସିଂ ଥାନା ପୋଲିସ କ୍ଷେତମୁଣ୍ଡାଳି ଗ୍ରାମ ନିକଟରେ ପେଟ୍ରୋଲିଂ କରୁଥିବା ସମୟରେ ,ମାଙ୍କଡା ପଥର ବୋଝେଇ ଟ୍ରକ୍ କୁ ଅଟକାଇ ଯାଞ୍ଚ କରିଥିଲା । ଟ୍ରକ୍ ର ଆବଶ୍ୟକ କାଗଜପତ୍ର ପୋଲିସ ମାଗିଥିବା ବେଳେ , ଗାଡ଼ି ଚାଳକ ଜଣକ କୌଣସି କାଗଜପତ୍ର ନଥିବା କହିଥିଲା । ଏହାପରେ ସଂପୃକ୍ତ ଟ୍ରକକୁ ପୋଲିସ ଜବତ କରିବା ସହ ଚାଳକ କବିରାଜ ଗିରଫ କରି ବୁଧବାର ଦିନ କୋର୍ଟ ଚାଲାଣ କରାଯାଇଛି । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨/୧୧/୨୦୨୨---୮,୪୦ Sakhigopal News,2/11/2022
