ସତ୍ୟବାଦୀ ରେ ଲଘୁଚାପ ଜନିତ କ୍ଷତିର ଅନୁକମ୍ପା ରାଶି ଚାଷୀଙ୍କୁ ମିଳିବ କେବେ

ସାକ୍ଷୀଗୋପାଳ ---  ସତ୍ଯବାଦୀ ରେ ଗତ ଖରିଫ ରୂତୁରେ  ଲଘୁଚାପଜନିତ ବର୍ଷାରେ ବିଭିନ୍ନ ପଞ୍ଚାୟତରେ ବ୍ଯାପକ ଭାବେ ପାଚିଲା ଧାନ ବିଲରେ ନଷ୍ଟ ହୋଇଥିଲା  ।  ବର୍ଷା ପାଣିରେ ଧାନ ସଢ଼ି ପଚି ଯାଇଥିଲା  । ଏଥିଯୋଗୁ ଚାଷୀ ମାନଙ୍କ ମେରୁଦଣ୍ଡ ଦୋହଲି ଯାଇଥିଲା।  ଏହି ବିପତ୍ତି ସମୟରେ  ସରକାର ଙ୍କ ପକ୍ଷରୁ ଚାଷୀମାନଙ୍କୁ କ୍ଷୟକ୍ଷତି ଆକଳନ କରାଯାଇ କ୍ଷତିପୂରଣ ଦିଆଯିବ ବୋଲି ସରକାର ଘୋଷଣା କରିଥିଲେ  ।  ଆରଆଇ ତଦନ୍ତ କରି ଚାଷୀମାନଙ୍କ ନିକଟରୁ କ୍ଷତିଗ୍ରସ୍ତ ଜମିର ପଟା, ପାଉତି, ଫଟୋ ଓ ବ୍ଯାଙ୍କ ଆକାଉଣ୍ଟ ନମ୍ବର ନେଇଥିଲେ  । ଚାଷୀମାନେ ଭାବିଥିଲେ ସରକାର କିଛି ଆର୍ଥିକ ସାହାଯ୍ୟ ପାଇବେ।   ହେଲେ ବର୍ଷେ ବିତିଗଲା ପଛେ ସରକାରୀ ଅନୁକମ୍ପା ରାଶି ଚାଷୀ ଙ୍କୁ ମିଳି ପାରିଲା ନାହିଁ  । ଚାଷୀ ମାନେ ସେହି ଧାନ ପାଣି ରୁ ଛାଣି ବିକ୍ରୟ କରିବା ପାଇଁ ଧାନ ମଣ୍ଡିରେ ଧାନ ଦେବା ସମୟରେ ମିଲର ଓ ଯୋଗାଣ ବିଭାଗର ମିଳିତ ସହଯୋଗରେ ୧୦ରୁ ୧୫ କୁଇଣ୍ଟାଲ ପିଛା କାଟ ନେଲେ। ଏଥିରେ ଶିକାର ହେଲେ ଭଲ ଧାନ ବିକ୍ରୟ କରୁଥିବା ଚାଷୀମାନେ। ଏହି କାଟର ଶିକାର ହେଲେ । ଏବେ ସେହି ଷତି ପୁରଣ ପାଇବା ପାଇଁ   ଜିଲାପାଳ ଦ୍ରୁଷ୍ଟି ଦେବାକୁ ପୂର୍ଣ୍ଣ ଚନ୍ଦ୍ର ବେହେରା, ରଘୁନାଥ ମହାନ୍ତି,ନବ ଦାସ, ପ୍ରହଲାଦ ମହାରଣା, ବାଳକ୍ରୁଷ୍ଣ ବେହେରା, ଦିବାକର ମହାପାତ୍ର, ରାମଚନ୍ଦ୍ର ଦାଶ ଓ ଶୁଭାଶିଷ ଦାଶ ପ୍ରମୁଖ ଚାଷୀ ଦାବି କରିଛନ୍ତି  । ସେହିପରି  ସତ୍ଯବାଦୀର  ବିଭିନ୍ନ ଚାଷୀ ସଙ୍ଗଠନ ପକ୍ଷରୁ ମଧ୍ଯ ଅନୁରୂପ ଦାବି ହୋଇଛି  ।