ପଟ୍ଟନାୟିକିଆ ଛକରେ ଲୁନା ଓ ବାଇକି ଧକ୍କ; ବାଇକ ଚାଲକଙ୍କର ମୃତ୍ୟୁ

ସାକ୍ଷୀଗୋପାଳ ----  ଭୁବନେଶ୍ୱର- ପୁରୀ ୩୧୬ନଂ ଜାତୀୟ ରାଜପଥର ପଟ୍ଟନାୟିକିଆ ଛକରେ ରାସ୍ତା ପାର ହେବା ସମୟରେ ଲୁନାକୁ ଧକ୍କା ହେଇଥିଲା ଏକ ମଟର ସାଇକେଲ । ଏହି ମଟର ସାଇକେଲ ଆରୋହୀଙ୍କର ମୃତ୍ୟୁ ହୋଇଯାଇଥିବା ଜଣାପଡିଛି । ସୁଚନାଯୋଗ୍ୟ ଯେ ମଟର ସାଇକେଲ ଆରୋହୀ ଜଣଙ୍କ ଦାଣ୍ଡମକୁନ୍ଦପୁର ଗ୍ରାମର ନନ୍ଦୁ ଦାସ, ବୟସ(୨୫) ବୋଲି ଜଣାପଡିଛି । ସେ ପୁରୀ ଅଭିମୁଖେ ଯାଉଥିବା ସମୟରେ ସତ୍ୟବାଦୀ ଥାନା ଅନ୍ତର୍ଗତ ସଦାନନ୍ଦପୁର ଗ୍ରାମର ରାଜ କିଶୋର ସେଠୀ ଏକ ଲୁନା ମଟର ସାଇକେଲ ଯୋଗେ ପଟ୍ଟନାୟିକିଆ ଛକ ପାରି ହୋଇ ସୁଆଣ୍ଡୋ ରାସ୍ତାକୁ ଯାଉଥିବା ସମୟରେ ମଟର ସାଇକେଲ ତାଙ୍କୁ ଧକ୍କା ଦେଇଥିଲା । ଯାହା ଫଳରେକି ଦୁଇଜଣ ଯାକ ରାସ୍ତାରେ ଛିଟିକି ପଡିଥିଲେ । ସେ ସମୟରେ ସେଠାରେ ଜାତୀୟ ରାଜପଥ ପେଟ୍ରୋଲିଂ କରୁଥିବା ପୋଲିସ ଅଧିକାରୀ ଜି ଏନ ଖାଁ , ଦୁର୍ଯ୍ୟୋଧନ ବିଶୋଇ ଓ ଗାଡି ଡ୍ରାଇଭର ସଞ୍ଜୟ କୁମାର ବେହେରା ଦୁର୍ଘଟଣା ଗସ୍ତ ଦୁଇ ଜଣଙ୍କୁ ସାକ୍ଷୀଗୋପାଳ ମେଡିକାଲରେ ଭର୍ତ୍ତି କରିଥିଲେ । ଡାକ୍ତର ନନ୍ଦୁ ଦାସଙ୍କୁ ମୃତ୍ୟୁ ଘୋଷଣା କରିଥିଲେ । ଖବର ପାଇ ସତ୍ୟବାଦୀ ପୋଲିସ ଶବ ଜବତ କରିବା ସହ ଏକ କେସରୁଜ କରି ଶବ ବ୍ୟବଛେଦ ନିମେନ୍ତ ପୁରୀ ପଠାଇଛନ୍ତି । ଗାଡି ଦୁଇଟିକୁ ଜବତ କରି ତଦନ୍ତ ଜାରି ରହିଛି ବୋଲି ଥାନା ଆଇଆଇସି ବିଜୟ କେତନ ବେହେରାଙ୍କ ଠାରୁ ସୁଚନା ମିଳିଛି । ସାକ୍ଷୀଗୋପାଳରୁଧୀରେନ୍ଦ୍ର ସେନାପତିଙ୍କ ରିପୋର୍ଟ, ୨୫/୧୧/୨୦୨୨---୮,୧୦ 

Sakhigopal News, 25/11/2022