ଜଟଣୀ ପୋଲିସର ଆଉଏକ ସଫଳତା ; ଗୋଟିଏ ଦିନରେ ତିନି ଧଳାଜହର ବେପାରୀ ଗିରଫ

ଜଟଣୀ --ସ୍ଥାନୀୟ ଅଞ୍ଚଳରେ ଧୀରେ ଧୀରେ ଧଳା ଜହର ବେପାର ବୃଦ୍ଧି ଯୋଗୁଁ ଜଟଣୀ ପୋଲିସ ଅଭିଯୁକ୍ତଙ୍କୁ କାବୁ କରିବାପାଇଁ ଅଧିକ ସକ୍ରିୟ ହୋଇ ଉଠିଛି । ଏକ ସୂଚନାକୁ ଆଧାର କରି ଜଟଣୀ ଥାନାର ଭାରପ୍ରାପ୍ତ ଅଧିକାରୀଙ୍କ ନିର୍ଦ୍ଦେଶକ୍ରମେ ଥାନାର ଏକ ସ୍ପେଶାଲ ଟୀମ  ଲୋକେ କଲୋନୀରେ ଥିବା ଭଗବତୀ ମନ୍ଦିର ନିକଟରେ ଚଢଉ କରି ବେଆଇନ ବ୍ରାଉନସୁଗାର ବିକ୍ରି କରୁଥିବା ଅଭିଯୋଗରେ ୩ଜଣ ଅଭିଯୁକ୍ତଙ୍କୁ ଗିରଫ କରିଥିଲେ ।ଅଭିଯୁକ୍ତ ମାନେ ହେଲେ କୁଦିଆରୀ ବଜାର ମାଲଗୋଦାମ ଛକ ଠାରେ ରହୁଥିବା ଅବଦୁଲ ମହମ୍ମଦ ଓରଫ କାଳିଆ (୩୩ ), ମେଣ୍ଢାଶାଳ ମୁସଲିମ ସାହିର ଏସ. କେ. ଇମତିଆଜ ଓରଫ ଇମତୁ (୨୫), ରାଜାବଜାର ଖୁଣ୍ଟିଆ ଗଳିରେ ରହିଥିବା ଆସଲାମ ଖାନ ଓରଫ ବାବୁ (୨୫ )। ଅଭିଯୁକ୍ତଙ୍କୁ ତଲାସି ବେଳେ ସେମାନଙ୍କ ନିକଟରୁ ମୋଟ ୧୦.୦୪ଗ୍ରାମ ଓଜନର ବ୍ରାଉନ ସୁଗାର ସହିତ, ଗୋଟିଏ ହୋଣ୍ଡା ଆକ୍ଟିଭା ସ୍କୁଟି, ଦୁଇଟି ମୋବାଇଲ ଫୋନ ଏବଂ ୧୭୫୦ଟଙ୍କା ଜବତ କରାଯାଇଥିଲା । ପଚରା ଉଚରା ସମୟରେ ଅଭିଯୁକ୍ତ ମାନେ ଏହି ବ୍ରାଉନ ସୁଗାର ବ୍ୟାପାର ବହୁ ପୂର୍ବରୁ କରି ଆସୁଥିବା ଏବଂ ଜଳେଶ୍ଵର ଅଞ୍ଚଳରୁ ଆଣି ଜଟଣୀ ଅଞ୍ଚଳରେ ବେଆଇନ ଭାବେ ସାଧାରଣ ଲୋକଙ୍କୁ ବିକ୍ରି କରୁଥିବା କଥା ମଧ୍ୟ ସ୍ଵୀକାର କରିଥିଲେ । ଏହି ଘଟଣାକୁ ନେଇ ଜଟଣୀ ଥାନା ପୁଲିସ ଏକ ବେଆଇନ ବ୍ରାଉନସୁଗାର ବିକ୍ରି ଜନିତ ମାମଲାରେ କେସ ନଂ 419/22 ମାମଲା ରୁଜୁ କରିବା ସହିତ ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଏହି ମାମଲାର ଅଧିକ ତଦନ୍ତ ଜାରି ରଖିଥିବା ସୂଚନା ପ୍ରଦାନ କରିଛନ୍ତି । ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୨୬/୧୧/୨୦୨୨----୮,୪୫  Sakhigopal News,26/11/2022