ସାନ ସିଦ୍ଧପଲ୍ଲୀ ରେ ବାଲ୍ୟବିବାହ କୁ ରୋକିଲା ପ୍ରଶାସନ

ଗଞ୍ଜାମ---- ବାଲ୍ୟ ବିବାହ ରୋକିଲା ବେଗୁନିଆପଡା ପ୍ରଶାସନ ଓ ବ୍ରହ୍ମପୁର ଚାଇଲଡ ଲାଇନ । ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଳକ ଅନ୍ତର୍ଗତ କୁମ୍ଭାରଗାଁ ପଞ୍ଚାୟତ ସାନ ସିଦ୍ଧପଲ୍ଲୀ ଗ୍ରାମରେ ଏକ ବାଲ୍ୟବିବାହ ହେଉଥିବା ଖବର ପାଇ ପ୍ରଶାସନ ଓ ଚାଇଲ୍ଡ ଲାଇନ ମିଳିତଭାବେ ଆତର୍କିତ ଚଢ଼ାଉ କରିଥିଲେ । ସିଦ୍ଧାପାଲି ଗ୍ରାମର ଜଣେ ନାବାଳିକା କନ୍ୟା କୁ ସାନ ସିଦ୍ଧାପାଲି ଗ୍ରାମର ପିଣ୍ଟୁ ପ୍ରଧାନ (୨୫) ବିବାହ ପାଇଁ ପ୍ରତିଶ୍ରୁତି ଦେଇ ଚାରିଦିନ ପୂର୍ବରୁ ନିଜ ଘରେ ଆଣି ରଖିଥିଲା। ସୂଚନା ପାଇ ବେଗୁନିଆପଡ଼ା ଶିଶୁଵିକାଶ ପ୍ରକଳ୍ପ ଅଧିକାରୀଣି ସନ୍ଧ୍ଯାରାଣୀ ପାଣିଗ୍ରାହୀ ଏବଂ ବ୍ରହ୍ମପୁର ଚାଇଲ୍ଡ ଲାଇନ ସଦସ୍ୟ ମାନେ ଆସି ଉକ୍ତ ଗ୍ରାମରେ ପହଞ୍ଚି ଉଭୟ ପରିବାର କୁ ଏହି ବିବାହ ନକରିବା ପାଇଁ କହିଥିଲେ । ଏବଂ ବୁଝା ସୁଝା କରି ଝିଅ କୁ ନିଜ ବାପା ଘରକୁ ପଠାଇବାରେ ସଫଳ ହୋଇଥିଲେ । ଝିଅଟିକୁ ୧୮ ବର୍ଷ ହେଲେ ଉଭୟଙ୍କୁ ବିବାହ କରାଯିବ ବୋଲି ଉଭୟ ପକ୍ଷ ରାଜି ହୋଇଥିଲେ । ସରପଞ୍ଚ ସତୀଶ ରଞ୍ଜନ ତାରେଣୀ, ଅଙ୍ଗନୱାଡ଼ି ସୁପରଭାଇଜର, ବେଗୁନିଆପଡା ଫାଣ୍ଡି ପୋଲିସ ,ଜି ଆର୍ ଏସ୍ ସିତାରାମ ପଟ୍ଟନାୟକ, ଚାଇଲ୍ଡ ଲାଇନ ର ପରାମର୍ଶଦାତ୍ରୀ ପ୍ରିୟଙ୍କା ବେହେରା, ସଦସ୍ୟ ରଞ୍ଜିତ ବେହେରା, ଅଙ୍ଗନୱାଡି କର୍ମୀ ସୁଜ୍ଞାନୀ ସେଠୀ ପ୍ରମୂଖ ଉପସ୍ଥିତ ଥିଲେ । ଶେଷରେ ଝିଅ ର ବାପା ମା ଝିଅ କୁ ସାଙ୍ଗରେ ନେଇ ନିଜ ଘର କୁ ଫେରିଥିଲେ ଓ ପ୍ରଶାସନ କୁ କୃତଜ୍ଞତା ଜଣାଇଥିଲେ ।